ডিজিটেল ডেস্কঃ ১৪ নবেম্বৰৰ পৰা গুৱাহাটীৰ সৰুসজাই ষ্টেডিয়ামত চলি থকা সদৌ ভাৰত স্কুল দবা প্ৰতিযোগিতাৰ শীৰ্ষত আছে পশ্চিম বংগৰ বাণী মন্দিৰ ৰে’লৱে হাইস্কুল । শিক্ষানুষ্ঠন খনক প্ৰতিনিধিত্ব কৰা দবাৰু ছামায়াক ধাৰুৱাই এতিয়ালৈ ৭খন খেল খেলি ৭ পইণ্ট সংগ্ৰহেৰে তালিকাৰ শীৰ্ষত আছে ।
গুৱাহাটীৰ সুদৰ্শন পাব্লিক বিদ্যালয় দ্বিতীয় , মাৰিয়াছ পাব্লিক স্কুল ক্ৰমে তৃতীয় আৰু চতুৰ্থ স্থানত থকাৰ লগতে পঞ্চম স্থানত আছে মহৰ্ষি বিদ্যা মন্দিৰ। সুদৰ্শনৰ মৃন্ময় ৰাজখোৱা , মাৰিয়াছৰ তন্ময় ৰাজবংশী , মহৰ্ষিৰ কৌশিন দাস , মাৰিয়াছৰ নিহাদ ইছলাম বৰাই ৬ পইণ্ট কৈ লাভ কৰি এতিয়ালৈ তালিকাৰ শীৰ্ষ ৫ নম্বৰৰ ভিতৰত অৱস্হান কৰিবলৈ সক্ষম হৈছে । 
উল্লেখ্য যে সদৌ অসম দবা সন্থাৰ উদ্যোগত আৰু ৰাজ্য চৰকাৰৰ এছ এল এ ছি ৰ সহযোগত আয়োজিত সদৌ ভাৰত দবা প্ৰতিযগিতা খনত ৰাজস্থান, পশ্চিমবংগ , ত্ৰিপুৰা , ছিক্কিম , মেঘালয় , অৰুণাচল , বিহাৰ আৰু অসমৰ ২২৪ জন দবাৰুৱে অংশগ্ৰহণ কৰিছে । ছুইছ লীগ পদ্ধতিত মুঠ ৯ ৰাউণ্ডৰ উক্ত স্কুল দবা প্ৰতিযোগিতা খনৰ কাইলৈ অৰ্থাৎ ১৮ নবেম্বৰৰ আবেলি সামৰণি পৰিব ।
Continue Reading
