ডিজিটেল ডেস্ক : 'শিক্ষাৰ্থীসকলক বিপথে পৰিচালিত কৰাৰ বাবে ছ'চিয়েল মিডিয়াত ভুৱা প্ৰচাৰ হৈছিল'- এক বিজ্ঞপ্তিযোগে স্পষ্টীকৰণ দিয়ে চিবিএছয়ে৷ শেহতীয়াকৈ চিবিএছই দশম শ্ৰেণীৰ টাৰ্ম-২ ব'ৰ্ড পৰীক্ষাৰ পাঠ্যক্ৰম, পৰীক্ষাৰ তাৰিখ আৰু ফলাফল সম্পৰ্কীয় ভুৱা তথ্য প্ৰকাশ পাইছিল ছচিয়েল মিডিয়াত৷ এই ভুৱা তথ্য প্ৰকাশ পোৱাৰ পাছত শিক্ষাৰ্থীসকলৰ মাজত সৃষ্টি হৈছিল অনাকাংক্ষিত পৰিস্থিতিৰ৷
অৱশেষত, চিবিএছইয়ে মঙলবাৰে এক বিজ্ঞপ্তি জাৰি কৰি এনে সকলো তথ্য কেৱল শিক্ষাৰ্থীসকলক বিপথে পৰিচালিত কৰাৰ বাবেপ্ৰচাৰ কৰা হৈছে বুলি উল্লেখ কৰে। স্পষ্টীকৰণ দি চিবিএছইয়ে কয় যে, 'চিবিএছই টাৰ্ম -২ ব'ৰ্ড পৰীক্ষা ২০২২ ৰ তাৰিখ এতিয়াও মুকলি কৰা হোৱা নাই আৰু সোনকালেই মুকলি কৰা হ'ব।'
বিজ্ঞপ্তিত, চি.বি.এছ.ই.-য়ে সকলোকে বিভ্ৰান্তিকৰ বাতৰিৰ বিষয়ে সতৰ্ক কৰি দিছিল, আৰু শিক্ষাৰ্থীসকলক কেৱল অফিচিয়েল ৱেবছাইটৰ পৰামৰ্শ ল'বলৈ আহ্বান কৰিছিল৷ বিজ্ঞপ্তি উল্লেখ কৰিছিল যে, দশম শ্ৰেণীৰ বাবে চিবিএছই টাৰ্ম-২ ব'ৰ্ড পৰীক্ষা ২০২২ মাৰ্চ/এপ্ৰিল, 2022-ত অনুষ্ঠিত হ'ব।
Continue Reading
