ডিজিটেল ডেস্ক : নাৰীবাদ কোনো পশ্চিমীয়া ধাৰণা নহয়। ই হৈছে ভাৰতীয় সভ্যতাৰ একেবাৰে ওচৰ চপা ধাৰণা। এই মন্তব্য কৰিছে জৱাহৰলাল নেহৰু বিশ্ববিদ্যালয়ৰ উপাচাৰ্য শান্তিশ্ৰী ধূলিপুড়ী পণ্ডিতে। মঙলবাৰে তেওঁ এই মন্তব্য কৰে। তেওঁ লগতে কয় যে, দ্ৰৌপদী আৰু সীতাতকৈ ডাঙৰ নাৰীবাদী আন কোনো থাকিব নোৱাৰে।
‘শ্ৰীমতী সুষমা স্বৰাজ স্ত্ৰী শক্তি সন্মান-২০২২’ প্ৰদান অনুষ্ঠানত অংশগ্ৰহণ কৰি দিয়া ব্যতিক্ৰমী ভাষণক লৈ চৰ্চা চলা দেখিবলৈ পোৱা গৈছে। তেওঁ আধুনিক ভাৰতৰ বৌদ্ধিক বিশ্লেষণৰ বাবে আগ্ৰহী শিক্ষাৰ্থীসকলক ভাৰতীয় নাৰীবাদীসকলৰ বিষয়ে অধ্যয়ন কৰিবলৈ আহ্বান জনায়।
তেওঁ কয়, ‘নাৰীবাদ পশ্চিমীয়া ধাৰণা নহয় বৰং এয়া ভাৰতীয় সভ্যতাৰ অতি ওচৰ চপা এক ধাৰণা। দ্ৰৌপদী বা সীতাতকৈ আন কোনো ডাঙৰ নাৰীবাদী থাকিব নোৱাৰে কাৰণ তেওঁ আছিল প্ৰথম ‘ছিংগল মাদাৰ’ বা ‘একাকী মাতৃ’।
জেএইউৰ দৰে শিক্ষানুষ্ঠানৰ মুৰব্বী হোৱালৈ তেওঁৰ নিজৰ যাত্ৰাৰ কথা প্ৰকাশ কৰি পণ্ডিতে কয়, ‘মই দেশৰ দক্ষিণ প্ৰান্তৰ পৰা আহিছোঁ। আমাৰ সভ্যতাত তথা ইতিহাসত কান্নাগী আৰু মণিমেকালাই আছে। মই আমাৰ শিক্ষাৰ্থীসকলক আহ্বান জনাইছোঁ যে, যিসকল আধুনিক ভাৰতৰ বৌদ্ধিক বাখ্যাৰ বাবে আগ্ৰহী তেওঁলোকে যাতে এইসকল মহীয়সীলৈ দৃষ্টিপাত কৰে।
তেওঁ লগতে কয় যে, এই কাৰ্যসূচীত যি নাৰীৰ কৃতিত্বক উদযাপন কৰা হৈছে তেওঁ তেওঁলোক একেই স্থানলৈ উত্তৰণ ঘটা এগৰাকী পুৰুষতকৈ ২০ গুণ অধিক দক্ষ তথা সবল হ’ব লাগিব। ‘মই বিশ্বাস কৰোঁ যে, যিসকল নাৰী আজি এই স্থানত উপস্থিত হৈছে, যিসকলৰ কৃতিত্বক আমি ইয়াত উদাযাপন কৰি আছোঁ তেওঁলোক একেই স্থানলৈ উত্তৰণ ঘটনা এগৰাকী পুৰুষতকৈ ২০ গুণ ভাল হ’ব লাগিব।’ তেওঁ কয়।
Continue Reading
