ডিজিটেল ডেস্ক : মঙলবাৰে নিশা উৰিষ্যাৰ কলিঙ্গ ঘাটিত সংঘটিত হয় এক শোকাৱহ পথ দুৰ্ঘটনা৷ বাছ দুৰ্ঘটনাত পশ্চিমবংগৰ হাওৰাৰ পৰা যাত্ৰা কৰা ৬জন পৰ্যটক নিহত হোৱাৰ লগতে ৩১জন লোক আহত হয়। আৰক্ষীয়ে জনোৱা মতে বাছখনে ৭৬জন যাত্ৰীক অন্ধ্ৰপ্ৰদেশৰ বিশাখাপট্টনমলৈ লৈ গৈছিল।
স্থানীয় আৰক্ষী বিষয়া ধীৰেশ দাসে কয়, 'নিশা প্ৰায় ১১.৩০ বজাত বাছ চালকজনে পাহাৰীয়া পথত নিয়ন্ত্ৰণ হেৰুৱাৰ ফলতে এই ঘটনা সংঘটিত হয়৷ অতি কমেও ১৫জন যাত্ৰী গুৰুতৰভাৱে আহত হৈছে আৰু আন ১৬জন সামান্য আঘাতপ্ৰাপ্ত হৈছে৷' নিহত ৬জনৰ ভিতৰত ৬জন সুপ্ৰিয়া ডেনৰে, সঞ্জিত পাত্ৰ, ৰীমা ডেনৰে, মৌচুমি ডেনৰা আৰু বৰ্ণালী মান্না বুলি চিনাক্ত কৰা হৈছে।
দুৰ্ঘটনা সংঘটিত হোৱাৰ পাছতে আৰক্ষী তথা উদ্ধাৰকাৰী আৰু স্থানীয় বাসিন্দাই ঘটনাস্থলীত উপস্থিত হৈ আহতসকলক চিকিৎসালয়লৈ স্থানান্তৰ কৰে। তেওঁলোকে জনোৱা মতে বাছখনে সাগৰপৃষ্ঠৰ পৰা ২৫০০ ফুট ওপৰেৰে অৱস্থিত কলিঙ্গ ঘাটত উলোটাকৈ পৰাৰ পূৰ্বে এটা বৈদ্যুতিক খুঁটাত খুন্দা মাৰিছিল।
ডিচেম্বৰত, পশ্চিমবংগৰ ৫০জন পৰ্যটক কলিঙ্গ ঘাটিত আঘাতপ্ৰাপ্ত হৈছিল আৰু তেওঁলোকৰ বাহনখনো ওলোটাই পৰিছিল।
Continue Reading
