ডিজিটেল ডেস্কঃ ৰামসেতু(Ram Setu) নিৰ্মাণৰ লগত বহু বিশ্বাস জড়িত হৈ আছে। কিছুমানৰ মতে ৰামসেতু বান্দৰ সেনাই নিৰ্মাণ কৰিছিল। একাংশ বিজ্ঞানীৰ মতে এইখন চূণশিলৰে নিৰ্মিত এখন প্ৰাকৃতিক দলং। ভাৰতৰ তামিলনাডুৰ ৰামেশ্বৰমত অৱস্থিত এই দলংখনে এতিয়াও ধৰ্মীয় তাৎপৰ্য্য বহন কৰি আছে। ইয়াৰ পৰা আকাশী দৃশ্য চাবলৈ বৰ ভাল লাগে। এই দলংখন ভাৰতৰ পাম্বন দ্বীপৰ সৈতে শ্ৰীলংকাৰ মান্নাৰ দ্বীপৰ সৈতে সংযুক্ত। প্ৰভু ৰামৰ বান্দৰ সেনাৰ দ্বাৰা নিৰ্মিত ৰামসেতুৰ বিষয়ে অকল ৰামায়ণতে নহয়, ইয়াৰ বিৱৰণ তুলসী দাসৰ দ্বাৰা ৰচিত ৰামচৰিত মানস আৰু কেইবাখনো ধৰ্ম গ্ৰন্থটো পোৱা যায়।
এই সেতুৰ লগত হিন্দু ধৰ্মৰ লোকসকলৰ মান্যতা জড়িত হৈ আছে। আন্তঃৰাষ্ট্ৰীয় স্তৰত ৰামসেতুক এডেম্স ব্ৰিজ নামেৰে জনা যায়।এই সেতু দেখি NASAও আচৰিত হৈ পৰে।NASA য়ে আজিলৈকে এইটো জানিব পৰা নাই যে একো খুঁটা নোহোৱাকৈ এই সেতুৰ নিৰ্মাণ কেনেকৈ হ'ল আৰু সেতু নিৰ্মাণ কৰোতে দিয়া শিল বা পাথৰ কিয় ডুবি নগ'ল আৰু ওপঙি থাকিল।
ৰামায়ণৰ যুদ্ধকাণ্ডত বৰ্ণিত কথাসমূহৰ অনুসৰি যেতিয়া ৰাক্ষস ৰজা ৰাৱণে মা সীতাক চল কৰি বলপূৰ্বক ভাৱে হৰণ কৰি নিজৰ লগত লংকালৈ লৈ গৈছিল,তেতিয়া প্ৰভু শ্ৰীৰামে বান্দৰৰ সহায় লৈ বিশাল সমুদ্ৰত এই সেতুৰ নিৰ্মাণ কৰিছিল। ৰামায়ণ অনুসৰি এই সেতুৰ নিৰ্মাণ প্ৰভু শ্ৰীৰামৰ বান্দৰ সেনাই পাঁচদিনৰ ভিতৰতে সম্পূৰ্ণ কৰিছিল।নিৰ্মাণ সম্পূৰ্ণ হোৱা পাছত এই সেতুখন দৈৰ্ঘ্য ৩০ কিলোমিটাৰ আৰু বহল ৩ কিলোমিটাৰ আছিল।
এই দলংখনৰ সৈতে জড়িত কিছুমান ৰহস্যজনক কথা আছে। কি কি জানো আহক-
১)খোজ কাঢ়িব পৰা এখন দলং- ৰাম সেতু সাগৰ পৃষ্ঠৰ ওপৰত আছিল বুলি কোৱা হয়। কিছুমান ঐতিহাসিক তথ্যৰ পৰা অনুমান কৰিব পাৰি যে ১৫ শতিকালৈকে মানুহে খোজকাঢ়ি এই দলংখন পাৰ হৈছিল। ই মাটিৰ পৰা প্ৰায় ৩ৰ পৰা ৩০ ফুট দ। ১৪৮০ চনত ধুমুহাৰ ফলত এই দলংখন কিছু পৰিমাণে ভাঙি গৈছিল।
২)দলংখনৰ আছে বহু নাম- তামিলনাডুৰ ৰামেশ্বৰমত অৱস্থিত ৰামসেতুৰ নামটো আমি সকলোৱে জানো কিন্তু ইয়াৰ আন বহুতো নাম আছে বুলি আপুনি জানেনে। এই দলংখনক আদম দলং, নল সেতু আৰু সেতু বন্ধ বুলিও জনা যায়। যিহেতু এই দলংখন ভগৱান ৰাম আৰু তেওঁৰ বান্দৰ সৈন্যই নিৰ্মাণ কৰিছিল সেয়ে বেছিভাগ মানুহে ৰাম সেতু নামেৰে জানে। ইয়াক নল সেতু বুলিও কোৱা হয়, কিয়নো ইয়াক বান্দৰ নলে ডিজাইন কৰিছিল। আদম দলং নামটো প্ৰাচীন ইছলামিক গ্ৰন্থসমূহে দিছে।
৩)জাহাজ নচলে- ১৪৮০ চনত সাগৰত এক বৃহৎ ঘূৰ্ণীবতাহৰ পিছত দলংখন পানীৰ তলত ডুব গৈছিল। আজি ৰামসেতু পানীৰ তলত, কিন্তু তথাপিও ইয়াত জাহাজ চলাচলৰ অনুমতি নাই। আচলতে পানীখিনি যথেষ্ট অগভীৰ আৰু কেইটামান বিন্দু আৰু গভীৰতাৰ স্তৰ আছে আৰু দলংখন আনকি সম্পূৰ্ণৰূপে ডুবো যোৱা নাই। ইয়াৰ বাবেই ভাৰতৰ পৰা অহা জাহাজসমূহে শ্ৰীলংকা পোৱাৰ বাবে আন এটা পথ অৱলম্বন কৰিবলগীয়া হয়।
৪)ৰাম সেতুৰ বয়স কিমান- ৰাম সেতুৰ বয়স কিমান তাৰ লগত জড়িত বিভিন্ন বিশ্বাস আছে। বহু কিংবদন্তি অনুসৰি এই দলংখন প্ৰায় ৩ হাজাৰ বছৰ পুৰণি। কিছুমানৰ মতে ৰাম সেতু ৭ হাজাৰ পুৰণি বুলি কোৱা হয়।
৫)বিজ্ঞানীসকলে ৰহস্যৰ সমাধান কৰিব পৰা নাই- এই দলংখনৰ ডিজাইন আৰু ইতিহাসে মানুহক আচৰিত কৰি তোলে। আনকি বিজ্ঞানীসকলেও ইয়াৰ নিৰ্মাণৰ ৰহস্য আজি পৰ্যন্ত সমাধান কৰিব পৰা নাই। এই দলং নিৰ্মাণত শিলবোৰক একেলগে সংযোগ কৰিবলৈ ব্যৱহাৰ কৰা প্ৰযুক্তিৰ বিষয়ে কোনেও জানিব পৰা নাই। বিশ্বৰ বিভিন্ন প্ৰান্তৰ পৰা অহা বিজ্ঞানীসকলে এই সন্দৰ্ভত বহু গৱেষণাত নিয়োজিত হৈ আছে কিন্তু একো উলিয়াব পৰা নাই।
