ডিজিটেল ডেস্কঃ অর্পিতা মুখোপাধ্যায়ৰ হৰিদেবপুৰ আৰু বেলঘৰিয়াৰ ফ্লেটৰপৰা বিপুল পৰিমাণৰ ধন উদ্ধাৰ কৰিছে এনফোর্সমেন্ট ডিৰেক্টৰেটে। উদ্ধাৰ হোৱা ধনৰ সমান্তৰালভাৱে অৰ্পিতা মুখপাধ্যায়ৰ নামত থকা সম্পত্তিৰ বিষয়েও অনুসন্ধান চলাই থকা হৈছে৷
অনুসন্ধানৰ তথ্য মতে , অর্পিতা মুখপাধ্যায়ে তিনিটা সংস্থা চলাই আছে। সূত্ৰ অনুসৰি , সেই সংস্থাকেইটাৰ পৰিচালক হিচাপে কাৰ্যনিৰ্বাহ কৰি আছে কল্যাণ ধৰ নামৰ একগৰাকী ব্যক্তিয়ে। কামাৰহাটি পুৌৰসভাৰ ২৬ নম্বৰ ৱাৰ্ডৰ বাসিন্দা কল্যাণ ধৰ। কল্যাণ ধৰে সংবাদমাধ্যমক জানিবলৈ দিয়ে যে তেওঁ অর্পিতাৰ গাড়ী চালক আছিল৷কিছুবছৰ পূৰ্বে এই গাড়ীচালকজনৰ পত্নীয়ে শিক্ষা দপ্তৰৰ চতুৰ্থ বৰ্গৰ চাকৰি লাভ কৰিছিল৷
এনে মন্তব্যৰ পিছতেই , কল্যাণৰ পত্নীৰ শিক্ষা বিভাগত চাকৰি কৰাৰ বাবে কিমান শিক্ষাগত যোগ্যতা আছে তাকে লৈ সমালোচনাৰ সৃষ্টি হৈছে৷
অঞ্চলবাসীৰ মতে , মাত্ৰ ষষ্ঠ শ্ৰেণীলৈকে হে আনুষ্ঠানিক শিক্ষা লাভ কৰিছিল কল্যাণ ধৰৰ পত্নীয়ে৷কিন্তু চাকৰিত যোগদানৰ বাবে জমা দিছিল দ্বাদশ উৰ্ত্তীণৰ প্ৰমাণপত্ৰ৷সেই প্ৰমাণপত্ৰ অনুসৰিয়েই চাকৰি লাভ কৰিছিল কল্যাণ ধৰৰ পত্নীয়ে। চাকৰি লাভৰ পূৰ্বে কল্যাণ ধৰৰ পত্নীয়েও পৰিচাৰিকাৰ কাম কৰিছিল বুলি জানিব পৰা গৈছে৷
অৰ্পিতা মুখপাধ্যায়ৰ তিনিটা সংস্থাৰ পৰিচালক আছিল কল্যাণ ধৰ৷ আচৰ্য্যজনকভাৱে, কল্যাণ ধৰে দাবি কৰিছে যে তেওঁৰ অজ্ঞাতেই নথি-পত্ৰ সমূহত পৰিচালক হিচাপে তেওঁৰ নাম ব্যৱহাৰ কৰা হৈছে৷ নথি-পত্ৰ অনুসৰি অৰ্পিতাৰ সংস্থাসমূহৰ পঞ্চাছ শতাংশত কল্যাণ ধৰৰ নাম মালিক হিচাপে উল্লেখ কৰা হৈছে৷ দীৰ্ঘ দিন ধৰি অৰ্পিতাৰ গাড়ী চলাইছিল কল্যাণে৷অৰ্পিতাৰ বেলঘৰিয়াৰ ফ্লেটলৈয়ো গৈছিল কল্যাণ৷ আনহাতে পত্নীৰ চাকৰিৰ বিষয়ে সাংবাদিকৰ ওচৰত মুখ খোলাৰ পৰা আঁতৰি থাকে কল্যাণ ধৰ৷ সাংবাদিকৰ প্ৰশ্নৰ উত্তৰ দিব নোৱাৰি দুৱাৰ বন্ধ কৰি দিয়ে কল্যাণ ধৰে৷
Continue Reading
