শক্তি বৃদ্ধি হ’ল ভাৰতৰ! ব্ৰাহ্ম'ছ ছুপাৰচনিক ক্ৰুজ মিছাইলৰ সফল পৰীক্ষণ সম্পন্ন

ডিজিটেল ডেস্কঃ ভাৰতে প্ৰতিৰক্ষাৰ ক্ষেত্ৰত আন এক ডাঙৰ সফলতা অৰ্জন কৰিছে। বুধবাৰে ব্ৰাহ্ম’ছ ছুপাৰচনিক ক্ৰুজ মিছাইলৰ সফল পৰীক্ষণ সম্পন্ন হয়। এই পৰীক্ষাটো আন্দামান আৰু নিকোবৰত কৰা হৈছিল আৰু এই সময়ছোৱাত বৰ্ধিত পৰিসৰৰ মিছাইলে ইয়াৰ লক্ষ্যত সঠিকভাৱে উপনীত হৈছিল। এই মাহৰ আৰম্ভণিতে ভাৰতীয় নৌসেনাই ইয়াৰ যুদ্ধজাহাজ আইএনএছ চেন্নাইৰ পৰা সাগৰত ব্ৰাহ্ম'ছ ছুপাৰচনিক ক্ৰুজ মিছাইলৰ পৰীক্ষা কৰিছিল। ভাৰতীয় নৌসেনায়ো মাৰ্চ মাহৰ প্ৰথম সপ্তাহত ব্ৰাহ্ম’ছ ক্ৰুজ মিছাইলৰ পৰীক্ষণ সম্পন্ন কৰিছিল। ভাৰতে শেহতীয়াভাৱে বিকাশ সাধন কৰা ব্ৰাহ্ম’ছ ছুপাৰছনিক ক্ৰুজ মিছাইলক ভূপৃষ্ঠৰ পৰা ভূপৃষ্ঠলৈ নিক্ষেপ কৰিব পৰা যাব। ইয়াৰ লক্ষ্যস্থানত আঘাত হানিব পৰা সামৰ্থ্যও ২৯৮ কিলোমিটাৰৰ পৰা ৪৫০ কিলোমিটাৰলৈ বৃদ্ধি কৰা হৈছে। ইতিমধ্যে, ভিয়েটনাম, ইণ্ডোনেছিয়া আদি দেশেও ভাৰতৰ ব্ৰাহ্ম’ছ মিছাইলকলৈ আগ্ৰহ দেখুৱাইছে। উল্লেখ্য যে ভাৰতে ভূমিৰ পৰা ভূমিলৈ, বায়ুৰ পৰা বায়ুলৈ আৰু পানীৰ পৰা বায়ুলৈ নিক্ষেপ কৰিব পৰা ব্ৰাহ্ম’ছ মিছাইলো নিৰ্মাণ কৰি উলিয়াইছে। ভাৰতীয় বায়ু সেনাৰ ছুখয়-৩০ যুঁজাৰু বিমানতো সংযোগ কৰা হৈছে ব্ৰাহ্ম’ছ ছুপাৰছ’নিক মিছাইল। ভাৰতে ৰাছিয়াৰ সহযোগত এই মিছাইল নিৰ্মাণ কৰি উলিয়াইছে। আৰু পঢ়কঃ দিনটো কেনে যাব…জানিবলৈ চাওক ৰাশিফল