স্কুল বাছৰ ভিতৰত বিয়েৰৰ বটল লৈ ছাত্র, ছাত্ৰীৰ উদ্দাম নৃত্য ইয়াৰ পাছত ?

ডিজিটেল ডেস্কঃ অতি লজ্জাজনক ঘটনা। যিটো ঘটনাই এতিয়া সমগ্ৰ দেশৰ ছাত্ৰসমাজকে লাজত পেলাইছে বুলি ক’লেও ভুল কোৱা নহ’ব। বৰ্তমান যুগৰ শিক্ষাৰ্থীক মানৱ সম্পদ বুলি ধৰা হয় যদিও এনে একাংশ ছাত্ৰ-ছাত্ৰী আমাৰ সমাজত আছে যাৰ কৰ্ম-কাণ্ডই আপোনাক চিন্তিত কৰি তোলে। এটা ভাইৰেল হোৱা ভিডিঅ’ক লৈ এতিয়া দেশজুৰি চৰ্চা হৈছে। তামিলনাডুৰ চেঙ্গালপট্টু জিলাত চলন্ত স্কুল বাছত বিদ্যালয়ৰ ছাত্ৰ-ছাত্ৰীয়ে সুৰা পান কৰাৰ এটা ভিডিঅ’ ভাইৰেল হৈছে। ছ’চিয়েল মিডিয়াত আপলোড কৰা এই ভিডিঅ’টো এজন শিক্ষাৰ্থীয়ে ৰেকৰ্ড কৰি সামাজিক মাধ্যমত শ্বেয়াৰ কৰাৰ পাছতে দেশজুৰি ভিডিঅ’টোক লৈ চৰ্চা হয়। ভিডিঅ’টোত ছোৱালী আৰু ল’ৰাৰ এটা গোটক বীয়েৰৰ বটল এটা খুলি হায় উল্লাসেৰে সেৱন কৰা দেখা গৈছে। এই শিক্ষাৰ্থীসকল তামিলনাডু চেঙ্গালপট্টুৰ এখন চৰকাৰী বিদ্যালয়ৰ বুলি জানিব পৰা গৈছে। শিক্ষাৰ্থীসকলে, তেওঁলোকৰ বিদ্যালয়ৰ পোছাক পিন্ধি, থিৰুকাঝুকুণ্ড্ৰামৰ পৰা থাচুৰলৈ বাছখনত গৈ আছিল। জিলা শিক্ষা বিষয়া গৰাকীয়ে কয় যে এই নিকৃষ্ট ঘটনাটোৰ প্ৰতি লক্ষ্য ৰাখি আৰক্ষীয়ে ইতিমধ্যে অনুসন্ধান চলাই আছে। অনুসন্ধান সম্পূৰ্ণ হোৱাৰ পাছত, উপযুক্ত ব্যৱস্থা গ্ৰহণ কৰা হ’ব বুলি জিলা শিক্ষা বিষয়াগৰাকীয়ে জানিবলৈ দিয়ে।   ভিডিঅ'টো চাবলৈ তলৰ লিংকটোত ক্লিক কৰক- https://www.indiatoday.in/india/story/tamil-nadu-school-students-drinking-alcohol-bus-viral-video-1928960-2022-03-24?jwsource=cl