ডিজিটেল ডেস্কঃ বছিৰহাটৰ তৃণমূল সাংসদ নুছৰত জাহানে আকৌ এবাৰ প্ৰধানমন্ত্ৰী নৰেন্দ্ৰ মোদীক কটাক্ষ কৰি টুইট কৰিলে। স্মৰ্তব্য যে, কিছুদিন পূৰ্বে নুছৰত সন্ধানহীন হোৱা বুলি তেওঁৰ সমষ্টিত পোষ্টাৰ আঁৰিছিল তেওঁৰে দলীয় সতীৰ্থই। সাংসদ গৰাকীৰ সন্ধান বিচাৰি এনেদৰে দলীয় সতীৰ্থই পোষ্টাৰ আঁৰিছিল বুলি খবৰ ওলাইছিল। দীৰ্ঘদিন ধৰি ৰাজনৈতিক ক্ষেত্ৰখনৰ পৰা আঁতৰি আছিল নুছৰত জাহান। কিন্তু হঠাত্ ৰাজনৈতিক ক্ষেত্ৰখনত প্ৰৱেশ কৰিয়েই দেশৰ প্ৰধানমন্ত্ৰী নৰেন্দ্ৰ মোদীক সামাজিক মাধ্যমৰ যোগেদি কটাক্ষ কৰিছে সাংসদ গৰাকীয়ে।
সামাজিক মাধ্যমতে প্ৰধানমন্ত্ৰী নৰেন্দ্ৰ মোদীক তীব্ৰ সমালোচনা বছিৰহাটৰ সাংসদ গৰাকীৰ। তেওঁ কয় যে, ‘বিৰোধীয়ে ৰাজনৈতিক স্বাৰ্থ পূৰণৰ বাবে সৰু সৰু ঘটনাবোৰক লৈয়ে ব্যস্ত থাকে। এনেদৰেই ৰাজনৈতিক দলবোৰে ৰাইজৰ মাজত ঘৃণা বিয়পাইছে।’ নুছৰতে প্ৰধানমন্ত্ৰীৰ ভাষণৰ এই অংশ দাঙি ধৰি এক টুইটত সাংসদগৰাকীয়ে কয়, ‘প্ৰধানমন্ত্ৰী নৰেন্দ্ৰ মোদীয়ে নিশ্চয় ৰাজ্যিক বিজেপিৰ কথাকে কৈছে।’ স্বাভাৱিকতে, নুছৰতৰ এই প্ৰসংগই এতিয়া সামাজিক মাধ্যমত ব্যাপকভাৱে ভাইৰেল হৈ পৰিছে।
প্ৰসংগক্ৰমে কিছুদিন পূৰ্বে বিধানসভাৰ চাপাটালা পঞ্চায়ত অঞ্চলত নুছৰত সন্ধানহীন বুলি পোষ্টাৰ আঁৰিছিল দলীয় সতীৰ্থই। তৃণমূলৰ সাংসদ নুছৰত জাহানৰ নিৰুদ্দেশক কেন্দ্ৰ কৰি সংবাদ প্ৰকাশৰ পাছতে নুছৰত জাহানৰ ৰাজনৈতিক টুইট কৰে।
Continue Reading
