সংগ্ৰামৰ মাজতে ভ্ৰমণ বিলাস, ১১খন দেশ ভ্ৰমণ পাচলি বিক্ৰেতা এগৰাকী বৃদ্ধাৰ

ডিজিটেল ডেস্ক : বজাৰত শাক-পাচলি বিক্ৰী কৰা এগৰাকী বৃদ্ধা। ৬১ বছৰীয়া বৃদ্ধাগৰাকীয়ে কেৱল সেই উপাৰ্জনেৰেহে খোৱাৰ পাছতো কিছু অংশ জমা কৰি বিগত ১০ বছৰত ১১খন দেশ ভ্ৰমণ কৰে। তেওঁৰ জীৱনৰ দৰ্শনেই হৈছে কাম কৰি ধন সঞ্চয় কৰা আৰু পৃথিৱীখন ভ্ৰমণ কৰি জীৱনটো উপভোগ কৰা।

 এই ৬১ বছৰীয়া মহিলাগৰাকীৰ নাম মলি। কেৰালাৰ এৰনাকুলামত বাসিন্দা তেওঁ। দৈনিক শাক-পাচলি বিক্ৰী কৰি জীৱন নিৰ্বাহ কৰিছিল মহিলাগৰাকীয়ে। উচ্চাকাংক্ষী মহিলাগৰাকীৰ আছে জীৱন উপভোগ কৰি অভিজ্ঞতা লোৱাৰ হাৱিয়াস।

 স্থানীয় ৰাইজে পুৱা বৃদ্ধাগৰাকীক শাক-পাচলি বিক্ৰী কৰা দেখিবলৈ পায় আৰু পাছদিনা দেখে দোকান বন্ধ হৈ আছে। এতিয়া দোকানখন বন্ধ হোৱা দেখিলে ক্ৰেতাসকলৰো বুজিবলৈ বাকী নাথাকে যে মলি বাহিৰত ফুৰিবলৈ গৈছে। শাক-পাচলি বিক্ৰী কৰি যি উপাৰ্জন কৰে তাৰে খোৱা-লোৱাৰ পাছত এটা অংশ তেওঁ সাঁচি থৈছিল বিদেশ ভ্ৰমণৰ বাবে। মলিৰ লক্ষ্য হৈছে নতুন নতুন স্থান ভ্ৰমণ কৰি ন ন অভিজ্ঞতাৰ লগতে জীৱনটো উপভোগ কৰা।