সংমক্ৰমণ স্তিমিত, কিন্তু অ’মিক্ৰনে সৃষ্টি কৰিছে নতুন আশংকা; ভেকচিন ল’লেনে?

ডিজিটেল ডেস্ক : কৰ'নাৰ লীলা বৰ্তমানেও শেষ হোৱা নাই৷ কৰ’নাৰ নতুন প্ৰকাৰ অ’মিক্ৰনৰ প্ৰভাৱে এতিয়া পুনৰ শংকাৰ সৃষ্টি কৰিছে বিশ্ববাসীৰ মাজত৷ ইতিমধ্যে ভাৰততো অ’মিক্ৰনৰ সংক্ৰমণৰ তথ্য পোহৰলৈ আহিছে৷ দেশত পুনৰ আগ্ৰাসন আৰম্ভ কৰাৰ পূৰ্বেই কেন্দ্ৰীয় স্বাস্থ্য মন্ত্ৰালয়ে অতি সোনকালে সকলোকে ক'ভিড প্ৰতিষেধক প্ৰদান কৰিবলৈ তৎপৰ হৈ উঠিছে। কৰ’নাৰ সংক্ৰমণ সম্প্ৰতি কিছু নিয়ন্ত্ৰণলৈ আহিছে যদিও নতুন প্ৰকাৰ অ’মিক্ৰনে নতুন আশংকাৰ সৃষ্টি কৰিছে।

ইপিনে, বিশেষজ্ঞসকলে দেশত কৰ’নাৰ তৃতীয়টো ঢৌৰ আশংকা কৰি দেশবাসীক ক'ভিড বিধি মানি চলিবলৈ আহ্বান জনাই আহিছে। শুকুৰবাৰে কেন্দ্ৰীয় স্বাস্থ্য মন্ত্ৰণালয়ে প্ৰকাশ কৰা তথ্য অনুসৰি যোৱা ২৪ঘণ্টাত দেশত চিনাক্ত হৈছে মুঠ ৯ হাজাৰ ২১৬ জন কৰ’না আক্ৰান্ত। বৃহস্পতিবাৰৰ দিনটোত দেশত মুঠ কৰ’নাত আক্ৰান্ত হৈছিল ৯ হাজাৰ ৭৬৫ জন লোক। ইপিনে, যোৱা ২৪ ঘণ্টাত দেশত ৩৯১ জন ক'ভিড আক্ৰান্ত লোকৰ মৃত্যু হৈছে। মন্ত্ৰালয়ে প্ৰকাশ কৰা তথ্য অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ৪লাখ ৭০ হাজাৰ ১১৫জন। লগতে ২৪ ঘন্টাত দেশত কৰ’নাৰ পৰা আৰোগ্য লাভ কৰা ৰোগীৰ সংখ্যা হৈছে ৮হাজাৰ ৬১২ জন।

আনহাতে, যোৱা ২৪ ঘণ্টাত দেশত ৩৯১ জন কোভিড আক্ৰান্ত লোকৰ মৃত্যু হৈছে। মন্ত্ৰ্যালয়ে প্ৰকাশ কৰা অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ৪লাখ ৭০ হাজাৰ ১১৫জন। যোৱা ২৪ ঘন্টাত দেশত কৰ’নাৰ পৰা আৰোগ্য লাভ কৰা ৰোগীৰ সংখ্যা হৈছে ৮হাজাৰ ৬১২ জন। ইপিনে, দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ৯৯হাজাৰ ৯৭৬জন।বৰ্তমানলৈ দেশত ১২৫ কোটি ৭৫লাখ ৫হাজাৰ ৫১৪জন লোকক কৰ’নাৰ ভেকচিন প্ৰদান কৰা হৈছে। ইয়াৰ ভিতৰত যোৱা ২৪ ঘন্টাত ৭৩ লাখ ৬৭হাজাৰতকৈ অধিক লোকক কৰ’নাৰ ভেকচিন প্ৰদান কৰা হৈছে।