ডিজিটেল ডেস্কঃ পাকিস্তানৰ আৰ্থিক সংকট অধিক ভয়াৱহ হৈ পৰিছে। মুদ্ৰাস্ফীতিৰ হাৰ ৪৭ শতাংশলৈ বৃদ্ধি পালে। সেই দেশৰ নাগৰিকে দৈনন্দিন প্রয়োজনীয় প্রয়োজনীয় প্রয়োজন পূৰণৰ বাবে সংগ্রাম কৰি আছে৷ এনে পৰিস্থিতিত এজন শীৰ্ষ কৰ বিষয়াই পাকিস্তানৰ প্ৰধানমন্ত্ৰী শ্বাহবাজ শ্বৰীফলৈ এখন আকৰ্ষণীয় পত্ৰ লিখিছে।
বিষয়াগৰাকীয়ে লিখিছে যে দেশৰ আৰ্থিক সংকটৰ বাবে সংসাৰ চলাবলৈ তেওঁৰ সমস্যা হৈছে। সেয়ে নূন্যতম প্ৰয়োজনীয়তা পূৰণৰ বাবে দুৰ্নীতিৰ পথত খোজ দিয়াৰ অনুমতি প্ৰধানমন্ত্ৰীৰ পৰা বিচাৰিছে।
কৰ সংগ্ৰাহকজনে পাকিস্তানৰ প্ৰধানমন্ত্ৰীলৈ পত্ৰ লিখি কয় যে তেওঁ নিজৰ দৈনন্দিন প্ৰয়োজন পূৰণৰ বাবে দুৰ্নীতিৰ লগত জড়িত হ’ব বিচাৰে। দুৰ্নীতিত লিপ্ত হ’বলৈ পাকিস্তানৰ প্ৰধানমন্ত্ৰীৰ পৰা অনুমতি বিচাৰে।
পাকিস্তানৰ প্ৰধানমন্ত্ৰীলৈ লিখা পত্ৰখনত কৰ বিষয়াগৰাকীয়ে লিখিছে, “আমাৰ প্ৰিয় দেশখনৰ এই মুহূৰ্তত বিপদজনক অৰ্থনৈতিক অৱস্থাৰ বিষয়ে মই অৱগত। আপোনাৰ চৰকাৰে দেশৰ অৰ্থনীতিত যথাৰ্থ অৱস্থা পুনৰ ঘূৰাই আনিবলৈ কোনো প্ৰচেষ্টা চলোৱা নাই।’’
চিঠিখনত তেওঁ লগতে লিখিছে যে তেওঁ যোৱা ৪ বছৰ ধৰি কৰ বিষয়া হিচাপে কাম কৰি আহিছে। কিন্তু কেতিয়াও দুৰ্নীতিৰ লগত নিজকে জড়িত কৰা নাছিল। কিন্তু দেশৰ সাম্প্ৰতিক পৰিস্থিতিত তেওঁৰ হাতত দুৰ্নীতি কৰাৰ বাহিৰে আন কোনো বিকল্প নাই। দুৰ্নীতিৰ কামত জড়িত হ’লে অতিৰিক্ত ধন উপাৰ্জন কৰিব পাৰি বুলিও লিখিছে কৰ বিষয়াগৰাকীয়ে। ফলত দৈনন্দিন নূন্যতম প্ৰয়োজনীয়তা সহজেই পূৰণ কৰিব পৰা যাব।
বিগত কেইমাহমানৰ পৰা আৰ্থিক সংকটে জুৰুলা কৰি আহিছে পাকিস্তান। চৰকাৰী পৰিসংখ্যা অনুসৰি পাকিস্তানত পিয়াঁজৰ মূল্য বিগত কিছুদিনত ২২৮.২৮ শতাংশ বৃদ্ধি পাইছে। ১৬৫.৮৮ শতাংশ বৃদ্ধি পাইছে চিগাৰেটৰ মূল্য। ডিজেল আৰু কলৰ মূল্য ক্ৰমে ১০২.৮৯ শতাংশ আৰু ৮৯.১৭ শতাংশ বৃদ্ধি পাইছে।
তাৰমাজতে ছচিয়েল মিডিয়াত ভাইৰেল হৈ পৰিছে কৰ বিষয়াগৰাকীৰ এই চিঠিখন। অৱশ্যে পত্ৰখনৰ সত্যতা এতিয়াও সন্দেহৰ আৱৰ্তত আছে সংবাদ মাধ্যমসমূহে প্ৰকাশ কৰিছে।
Continue Reading
