সোঁতত উটি যাৱ খোজা কুকুৰক উদ্ধাৰ কৰিবলৈ গৈ বিপদত গৃহৰক্ষী জোৱান৷ ভিডিঅ'টোৱে আৱেগিক কৰি তুলিছে সকলোকে

ডিজিটেল ডেস্ক : মানৱতাৰ জয়গান৷ খাকী পোচাকধাৰী প্ৰতিজ্ঞাবদ্ধ আনৰ জীৱন বচাবলৈ৷ এইবাৰ মানুহক নহয় কুকুৰৰ জীৱন উদ্ধাৰ কৰি সকলোৱে দৃষ্টি আকৰ্ষণ কৰিলে এজন গৃহৰক্ষী জোৱানে৷ পানীৰ সোঁতত উটি যাৱ খোজা এটি কুকুৰক উদ্ধাৰ কৰি নিজেই বিপদত পৰিল এজন গৃহৰক্ষী জোৱান৷ তেলেংগানা ৰাজ্যিক আৰক্ষীৰ অধীনত নিযুক্ত এজন গৃহৰক্ষীৰ এই ভিডিঅ'টোৱে এতিয়া ছ'চিয়েল মিডিয়াত তোলপাৰ লগাইছে। আইপিএছ বিষয়া দীপাংশু কাব্ৰাই টুইটাৰত শ্বেয়াৰ কৰিছিল এই ভিডিঅ' ক্লিপটোত৷ ভিডিঅ'টোত দেখা গৈছে যে গৃহৰক্ষীজনে এটা ভয়ংকৰ প্ৰবাহত আৱদ্ধ হৈ থকা কুকুৰটোক বচাবলৈ নিজৰ জীৱন বিপদত পেলাইছে। ক্লিপটোৱে সকলোকে স্তম্ভিত কৰি তুলিছে। জানিব পৰা মতে, মুজিব বুলি চিনাক্ত কৰা গৃহৰক্ষীজনে কুকুৰটোক বচাবলৈ দৌৰি গৈছিল আৰু উদ্ধাৰৰ সময়ত তেওঁক সহায় কৰিবলৈ এখন জেচিবি ব্যৱস্থা কৰিছিল। ভিডিঅ'টোত দেখুওৱা হৈছে যে মুজিবে সাৱধানে ভয় খোৱা কুকুৰটোৰ ওচৰলৈ গৈ তুলি লৈছে। মুজিবে কুকুৰটোক জোৰেৰে ধৰি সুৰক্ষিত স্থানলৈ আনিবলৈ সক্ষম হয়। 'কুকুৰটোক পানীৰ সোতত আৱদ্ধ হৈ থকা দেখি, @TelanganaCOPs এজন গৃহৰক্ষী মুজিবে লগে লগে জেচিবিক ফোন কৰিছিল আৰু নিজেই তেওঁক বচাবলৈ ঢৌত নামি পৰিছিল। তেওঁৰ কৰা মহানুভৱতাৰ বাবে আন্তৰিক অভিবাদন জনাইছো। যিজনে খাকী পিন্ধে তেওঁ কেতিয়াও মানৱতাৰ সেৱাৰ বাবে কোনো বিপদাশংকা ল'বলৈ কুণ্ঠাবোধ নকৰে," কাবৰাই ভিডিঅ'টোত এনেদৰে লিখিছিল। ভিডিঅ'টোৱে ৭ হাজাৰৰো অধিক লোকক আবেগিক কৰি তুমিছিল আৰু বহুতো প্ৰতিক্ৰিয়া লাভ কৰিছিল।বহুতে গৃহৰক্ষীজনক প্ৰশংসা কৰিছিল, আন কিছুমানে কুকুৰটোক বচাবলৈ নিজৰ জীৱন বিপদত পেলোৱা বাবে তেওঁক ধন্যবাদ জনাইছিল।