ডিজিটেল ডেস্কঃ শতকৰ অৰ্ধশতক! কিং কোহলীয়ে এদিনীয়া ক্ৰিকেটত শতকৰ এক নতুন বিশ্ব অভিলেখ গঢ়িবলৈ সক্ষম হয়। গেলেৰীৰ পৰা শচীন তেণ্ডুলকাৰে নিজেই থিয় হৈ হাত চাপৰি বজালে। এদিনীয়া ক্ৰিকেটত সৰ্বাধিক শতক অৰ্জন কৰাৰ অভিলেখ ইমানদিনে শচীনৰ হাতত আছিল। কিং কোহলীৰ এই প্ৰদৰ্শনে মুখৰিত কৰি তুলিলে ষ্টেডিয়াম৷
বুধবাৰে বিশ্বকাপৰ ছেমি ফাইনেলত শচীন তেণ্ডুলকাৰৰ বিশ্বকাপৰ ইতিহাসত সৰ্বাধিক অৰ্ধশতকৰ অভিলেখ ভংগ কৰে কোহলীয়ে। ইয়াৰ পিছত শচীনে এটা বিশ্বকাপত কৰা ৬৭৩ ৰানৰ বিশ্ব অভিলেখ ভংগ কৰে। পিছত এদিনীয়া ক্ৰিকেটত সৰ্বাধিক শতক অৰ্জন কৰাৰ অভিলেখ ভংগ কৰে। মুঠতে বুধবাৰে কোহলীয়ে শচীনৰ তিনিটা অভিলেখ ভংগ কৰে।
কোহলীয়ে এদিনীয়া ক্ৰিকেটত ৫০ শতকৰ মাইলৰ খুঁটিত উপনীত হোৱা বিশ্বৰ প্ৰথমজন ক্ৰিকেটাৰ হিচাপে পৰিগণিত হয়। তাৰ পূৰ্বে ৮০ ৰান সংগ্ৰহ কৰা অৱস্থাত বিশ্বকাপত সৰ্বাধিক ৰান সংগ্ৰহৰ শচীনৰ অভিলেখো ভংগ কৰে। ২০০৩ চনৰ বিশ্বকাপত শচীনে ৬৭৩ ৰান সংগ্ৰহ কৰিছিল। আজিৰ দিনটোতে তেওঁ বিশ্বৰ ষষ্ঠ ক্ৰিকেটাৰ হিচাপে বিশ্বকাপত ৬০০ ৰানৰ মাইলৰ খুঁটিত উপনীত হয়। শচীন, মেথিউ হেডেন, ডেভিদ ৱাৰ্নাৰ, ৰোহিত শৰ্মা আৰু চাকিব আল হাছানৰ হাতত এই কৃতিত্ব আছে৷
Continue Reading
