ডিজিটেল ডেস্কঃ মুম্বাইৰ ৱানখেদে ষ্টেডিয়ামত খেল আৰম্ভ হোৱাৰ পূৰ্বে তেওঁক গেলেৰীত দেখা গৈছিল। বাকী ভাৰতীয় ক্ৰিকেটাৰৰ পত্নী আৰু প্ৰেমিকাৰ লগত বহিছিল। খেলখনৰ নৱম অভাৰত উশাহ বন্ধ হোৱাৰ উপক্ৰম হয় অনুষ্কা শৰ্মাৰ। অৱশেষত স্বস্তিৰ উশাহ এটা ল’লে।
ৰোহিত শৰ্মা আউট হোৱাৰ পিছতে কোহলীয়ে মাত্ৰ ক্ৰীজলৈ নামি আহিছে। চলি আছে নৱম অভাৰ। টিম চাউথীৰ চতুৰ্থটো বল পেডত খুন্দা মাৰে। ১১ গৰাকী কিউই ক্ৰিকেটাৰে একেলগে চিঞৰ বাখৰ কৰে। খেলপথাৰত থকা আম্পায়াৰে গুৰুত্ব নিদিলেও ৱানখেদেত শ্মশানৰ নিস্তব্ধতা আছিল। নিউজিলেণ্ডৰ অধিনায়ক কেন উইলিয়ামছনে এজন এজনকৈ সতীৰ্থসকলক সুধিছে কি কৰা উচিত? অৱশেষত ডি আৰ এছ ল’লে৷
প্ৰথমে ডি আৰ এছে আন এটা কেমেৰাৰে ঘটনাটো দেখুৱাইছিল। ইয়াৰ পিছত স্নিকোমিটাৰত দেখা গ’ল যে বলটো প্ৰথমে কোহলীৰ বেটত খুন্দা মাৰিলে। তাৰ পিছত তৃতীয় আম্পায়াৰে কোহলীক ‘নট আউট’ দিয়াৰ সিদ্ধান্ত লয়। কেমেৰা অনুষ্কাৰ ফালে যায়। হাতেৰে মুখখন ঢাকি নিৰাশাত বহি থকা অনুষ্কাই আম্পায়াৰৰ সিদ্ধান্ত ঘোষণা হোৱাৰ লগে লগে হাঁহি হাঁহি হাত চাপৰি বজাইছিল।
Continue Reading
