ডিজিটেল ডেস্কঃ বিশ্বকাপৰ ছেমি ফাইনেলত নিউজিলেণ্ডৰ বিৰুদ্ধে খেলি বিৰাটে ১০৬ নং বলত শতক সম্পূৰ্ণ কৰে। অধিনায়ক ৰোহিত শৰ্মাই টছত জয়লাভ কৰি প্ৰথমে বেটিং কৰাৰ সিদ্ধান্ত লয়। ৰোহিত উভতি অহাৰ লগে লগে বিৰাটে বেটখন লৈ খেলপথাৰত প্ৰৱেশ কৰিলে। তেতিয়া ক্ৰীজৰ সিটো পাৰে শুবমান গিল আছিল। ৭৯ ৰান সংগ্ৰহ কৰি গীলে আঘাতৰ বাবে ঘূৰি আহিবলগীয়া হৈছিল। কোহলীক লগ দিবলৈ তেতিয়া আহিছিল শ্ৰেয়াছ আয়াৰ।
বিৰাটে আয়াৰৰ অংশীদাৰিত্বৰে শতক সম্পূৰ্ণ কৰিলে। ১০০ ৰান পোৱাৰ পিছত বিৰাটে প্ৰথমে শচীনৰ ফালে চাই সেৱা জনায়। ‘মাষ্টাৰ ব্লাষ্টাৰ’ও গেলেৰীত থিয় হৈ বিৰাটক অভিনন্দন জনালে। ইয়াৰ পিছত কোহলীৰ চকু অনুষ্কাৰ ওপৰত আছিল। অনুষ্কাই স্বামীক তেওঁৰ অনন্য আদৰ্শৰ বাবে অভিনন্দন জনাবলৈ চুমা এটা উৰুৱাই দিয়ে।
ছেমি ফাইনেল মেচ খেলিবলৈ নামি অহাৰ সময়তো অনুষ্কাই স্বামীক সম্ভাষণ জনাবলৈ চুমা এটা উৰুৱাই দিছিল। বিৰাটে ইনিংছৰ সময়ছোৱাত কেইবাবাৰো উজুটি খাইছিল। বাৰে বাৰে কেমেৰাটো অনুষ্কাৰ ফালে ঘূৰি গ’ল। অনুষ্কাৰ মুখখন চিন্তিত হৈ পৰিছিল। কিন্তু নিজৰ স্বাভাৱিক বেটিংশৈলীৰে বিৰাটে ইনিংছ আগুৱাই নিয়ে৷
Continue Reading
