শৰৎ মানে শেৱালি ফুলৰ বতৰ, জানো আহক এই ফুল আৰু পাতৰ গুণাগুণৰ বিষয়ে

ডিজিটেল ডেস্ক : সমাগত শাৰদীয় দুৰ্গোৎসৱ। দুৰ্গোৎসৱ বুলিলেই আমাৰ মনলৈ শুভ্ৰতা, স্নিগ্ধ শেৱালিৰ কথাই বিশেষকৈ আহে। এই শেৱালিৰ অবহিনে শৰতৰ সৃষ্টি যেন আধৰুৱা। এই শেৱালি ফুল দেখিবলৈ যেনেদৰে ধুনীয়া, ঠিক সেইদৰে ইয়াৰ গুণো অপৰিসীম।অকল শেৱালি ফুল বুলিলে ভুল হ’ব ইয়াৰ পাতৰো আছে বহু গুণাগুণ, জানো আহকচোন এই ফুলৰ ঔষধি গুণবোৰ-

১. জ্বৰ-কাহত শেৱালি ফুলৰ কুমলীয়া পাত মৌৰ লগত সেৱন কৰিলে সোনকালে উপশম পোৱা যায়।

২. শেৱালি ফুল শুকুৱাই থৈ আঞ্জা বনাই খালে পাচনতন্ত্ৰ শক্তিশালী হয়।

৩. শেৱালি ফুলৰ পাত নিয়মীয়া সেৱনে তেজ পৰিষ্কাৰ কৰে।

৪. কাহ, চৰ্দি, তনচিলাইটিছ, ফেৰঞ্জাইটিছ, চাইনাচাইটিছ, ব্ৰংকাইটিছ, হাপানী বা এজমা আদি ৰোগত শোৱালি ফুলৰ পাত আৰু ফুল খালে সুফল পোৱা যায়।

৫. শেৱালি ফুলৰ পাতে কৃমি পেলু নাশ কৰে।

৬. চুলি সৰা, অকালতে চুলি পকা আদি সমস্যাত শেৱালি ফুলৰ গুটি ভালকৈ বটি মূৰত লগালে সুফল পোৱা যায়।

৭. লিভাৰৰ কাৰ্যক্ষমতা বৃদ্ধিৰ লগতে ইয়াৰ বিভিন্ন সমস্যাৰ বাবে শেৱালি ফুল অতি উত্তম।

৮. মহিলাৰ মাহেকীয়া সময়ত হোৱা বিষৰ বাবে শেৱালি ফুল অতি উত্তম বুলি বিবেচিত হৈছে। ইণ্ডোনেছিয়া, মালয়েছিয়া আদি দেশতো এই পাত চিকিৎসা ব্যৱহৃত হয়।

৯. শেৱালি ফুলৰ কোমল পাত কলপাতেৰে মেৰিয়াই জুইত পুৰি সেইখিন চেপি পোৱা ১০-১২ মিলিলিটাৰ ৰসৰ লগত অকণমান মৌজেল মিলাই দিনি তিনিবাৰকৈ কেইদিনমান সেৱন কৰিলে মেলিৰয়া জ্বৰকে ধৰি বাত বিষ, তনচিলাইটিছ, ফেৰিঞ্জাইটিছ, চাইনাচাইটিছ ৰোগত সুফল পোৱা যায়।