ডিজিটেল ডেস্ক: ভাৰতৰ আভ্যন্তৰীণ জলপথেৰে ১৫০০ মেট্ৰিক টন উচ্চ-মূল্যৰ সামগ্ৰীৰ কলকাতাৰ পৰা পাণ্ডুলৈ সফল পৰিবহণ। আভ্যন্তৰীণ জলপথ ব্যৱস্থাৰ দক্ষতা বৃদ্ধি পোৱা বিষয়টো পুনৰ এবাৰ প্ৰতিফলিত কৰি, গ্ৰানুলেটেড ব্লাষ্ট ফাৰ্নেচ স্লেগ আৰু টিএমটি বাৰসমূহৰ উচ্চ-মূল্যৰ পৰিবহণ ইণ্ডো-বাংলাদেশ প্ৰটোকল জলপথৰে পাণ্ডুলৈ আহি পালে।
কলকাতাস্থিত টাটা ষ্টীল লিমিটেডে গুৱাহাটীস্থিত লাৰ্ছেন এণ্ড ট'ব্ৰ' লিমিটেডৰ বাবে প্ৰেৰণ কৰা এই পৰিবহণত মুঠ ২৩,৯৮০টা বেগ আছিল, যাৰ ওজন প্ৰায় ১,১৯৯ মেট্ৰিক টন। ইয়াৰ উপৰিও ৩০০ মেট্ৰিক টন টিএমটি বাৰসমূহো অন্তৰ্ভুক্ত আছিল। এই সমগ্ৰ মাল টাগ এমভি ত্ৰিশূল আৰু বাৰ্জ ডিবি দিক্ষু আৰু ডিবি অজয়ৰ জৰিয়তে পৰিবহণ কৰা হৈছিল।
এই সফল পৰিবহণে অভ্যন্তৰীণ জলপথৰ ব্যৱহাৰ বৃদ্ধি পোৱাৰ দিশটো স্পষ্টকৈ প্ৰকাশ কৰিছে, যিয়ে বাল্ক কাৰ্গ’ পৰিবহণত অধিক দক্ষতা আৰু আঞ্চলিক সংযোগ উন্নত কৰিছে। এইক্ষেত্ৰত ভাৰতীয় অভ্যন্তৰীণ জলপথ প্ৰাধিকৰণে এনে নিৰৱচ্ছিন্ন ব্যৱস্থা নিশ্চিত কৰাত গুৰুত্বপূৰ্ণ ভূমিকা পালন কৰিছে।
Continue Reading
