ডিজিটেল ডেস্ক: এইবাৰ ভাৰতে স্বাধীনতাৰ ৭৫ বছৰ আৰু ৭৬ সংখ্যক স্বাধীনতা দিৱস উদযাপন কৰিবলৈ ওলাইছে। ইতিমধ্যে কেন্দ্রীয় চৰকাৰে কেইবাটাও কার্যসূচী আৰম্ভ কৰিছে৷ ইয়াৰে এটা হ’ল আজাদী কা অমৃত মহোৎসৱ। আৰু এই অনুষ্ঠানৰ জৰিয়তে কেন্দ্ৰীয় চৰকাৰে ঘৰে ঘৰে ৰাষ্ট্ৰীয় পতাকা উত্তোলন কৰাৰ আহ্বান জনাইছে। ‘মন কী বাত’ অনুষ্ঠানত স্বয়ং প্ৰধানমন্ত্ৰীয়ে এই কথা ঘোষণা কৰিছিল। আৰু এই জাতীয় পতাকাকেন্দ্ৰিক অনুষ্ঠানটোক ‘হৰ ঘৰ ত্ৰিৰংগা অভিযান’ নামেৰে নামাকৰণ কৰা হৈছে। কিন্তু কেন্দ্ৰীয় চৰকাৰে এই ‘হৰ ঘৰ ত্ৰিৰংগা ' অভিযান’ৰ বাবে ৰাষ্ট্ৰীয় পতাকা উত্তোলনৰ নিয়মত কেইবাটাও পৰিৱৰ্তন আনিছে কেন্দ্ৰীয় চৰকাৰে। জাতীয় পতাকা উত্তোলনত কি কি পৰিৱৰ্তন হৈছে চাওক -
২০২২ চনৰ বাবে ফ্লেগ ক'ড সলনি কৰা
আগষ্ট মাহৰ প্ৰথম সপ্তাহত সংশোধন কৰা হৈছিল ভাৰতীয় পতাকাৰ ২০২২ নিয়ম । ফ্লেগ ক'ড অফ ইণ্ডিয়া ২০২২ৰ ধাৰা ২.২ৰ ধাৰা ১১ অনুসৰি যিকোনো ভাৰতীয় নাগৰিকৰ ঘৰত যিকোনো সময়তে ভাৰতীয় পতাকা উত্তোলন কৰিব পাৰিব। আনকি ৰাতিও। কিন্তু এই পতাকাৰ আকৃতি ডাঙৰ হোৱা উচিত। আৰু ফাটি যোৱা পতাকা কেতিয়াও উত্তোলন কৰিব নোৱাৰি।
পূৰ্বৰ নিয়মবোৰৰ মাজত কি বেলেগ আছিল?
পূৰ্বৰ নিয়ম অনুসৰি ৰাষ্ট্ৰীয় পতাকা উত্তোলন কৰাৰ অনুমতি আছিল কেৱল সূৰ্য্য উদয়ৰ পৰা সূৰ্যাস্তলৈকে। পূৰ্বতে পলিয়েষ্টাৰেৰে নিৰ্মিত পতাকা বা মেচিনত নিৰ্মিত পতাকা উত্তোলন কৰিবলৈ দিয়া হোৱা নাছিল। এতিয়া সকলো ধৰণৰ হাতেৰে বা মেচিনত বনোৱা পতাকা তুলিব পাৰি।
পতাকা উত্তোলন কৰাৰ সময়ত কি মন কৰিব লাগে?
• হাতেৰে কাটি লোৱা, হাতেৰে বোৱা, মেচিনত বনোৱা কপাহ, ৰেচম, বা খাদীৰ পতাকা উত্তোলন কৰিব পাৰি।
• কোনো কাৰণতে মাটিত জাতীয় পতাকা স্থাপন কৰিব নালাগে।
• পতাকাত কোনো আখৰ লিখিব নোৱাৰিব।
• জাতীয় পতাকাৰ ৰঙৰ কাপোৰ কেতিয়াও পিন্ধিব নালাগে।
• বিকৃত পতাকা উত্তোলন কৰিব নোৱাৰিব।
• যদি জাতীয় পতাকাৰ লগত আন এখন পতাকা থাকে তেন্তে জাতীয় পতাকা সদায় ওপৰত ৰাখিব লাগে।
• ৰাষ্ট্ৰীয় পতাকা থকা বাৰত আন কোনো পতাকা স্থাপন কৰিব নোৱাৰিব।
• গেৰুৱা ৰং সদায় ওপৰত থাকিব।
• ফাটি যোৱা, ম্লান হৈ পৰা পতাকা উত্তোলন কৰা নহ’ব ।
• জাতীয় পতাকা কোনো ব্যক্তিৰ মৃতদেহ থকা কফিনৰ ওচৰত ৰাখিব নালাগে।
• পতাকাৰ সঠিক অনুপাত ৩.২।
• জাতীয় পতাকা যাতে আধা উত্তোলন কৰা নহয় তাৰ প্ৰতি লক্ষ্য ৰাখিব লাগে।
ভাৰতৰ ত্ৰিৰংগাই বিশ্বৰ আগত ভাৰতক প্ৰতিনিধিত্ব কৰে। যি পতাকা সমগ্ৰ দেশৰ সন্মান আৰু গৌৰৱ, সেই পতাকাক নিজৰ ইচ্ছামতে ব্যৱহাৰ কৰিব নোৱাৰি। গতিকে ৰাষ্ট্ৰীয় পতাকা উত্তোলন কৰাৰ সময়ত এইবোৰ কথা মনত ৰাখিব। সঠিক পদ্ধতিৰে পতাকা উত্তোলন কৰক। কাৰণ জাতীয় পতাকাক সন্মান কৰাটো ভাৰতৰ প্ৰতিজন নাগৰিকৰ মৌলিক কৰ্তব্য।
Continue Reading
