ডিজিটেল ডেস্কঃ বলীউড বাদশ্বাহ শ্বাহৰূখ খানৰ ৰাজকীয় প্ৰাসাদ 'মন্নত'ৰ নতুন নামফলকখন কিছু দিনৰ পৰা চৰ্চাত আছে। এইবাৰ 'মন্নত' লিখা নামফলকৰ মূল্যসহ কেইবাটাও বিৱৰণি প্ৰকাশ পাইছে। মন কৰিবলগীয়া যে, মুম্বাইৰ সমাদৃত স্থান সমূহৰ ভিতৰত অন্যতম হৈছে শ্বাহৰূখ খানৰ 'মন্নত'। বহুলোকে দূৰদূৰণিৰ পৰা লৱৰি আহে শ্বাহৰূখৰ ‘মন্নত' চাবলৈ। কিং খানৰ অনুৰাগীসকলৰ বিশেষ আশা নাই। কেৱল 'মন্নত'ৰ সন্মুখত এটা ছেলফীয়ে সুখী কৰি তোলে তেওঁলোকক। এইবাৰ প্ৰিয় তাৰকাগৰাকীৰ প্ৰাসাদৰ সন্মুখত নতুন নামফলক দেখি আৰু অধিক উচ্ছসিত হৈ পৰিছে শ্বাহৰূখ অনুৰাগী।
জানিবলৈ পোৱা মতে, 'মন্নত' লিখা নতুন নামফলকখনৰ ডিজাইন কৰিছে কিং খানৰ পত্নী গৌৰী খানে। গৌৰীৰ তত্বাৱধানতে প্ৰাণ পাই উঠিছে নতুন নামফলকখন। গৌৰী এগৰাকী অতি প্ৰসিদ্ধ ইণ্টেৰিঅ’ৰ ডিজাইনাৰ। বলীউডৰ কেইবাজনো তাৰকাৰ বাসগৃহৰ ডিজাইন কৰি দিছে গৌৰীয়ে। ইফালে, এই নামফলক খনৰ মূল্যও জানিবলৈ পোৱা গৈছে। খবৰ অনুসৰি, নাম ফলকখনৰ মূল্য প্ৰায় ২৫ লাখ টকা। ইনমা মূল্যৰ এই নাম ফলকখন এতিয়া অনুৰাগীৰ বাবে হৈ পৰিছে দৰ্শনীয়। শ্বাহৰূখ অনুৰাগীয়ে আহি ছেলফীৰ বাবে ‘মন্নত’ৰ পদূলিত ভিৰ কৰা বুলি খবৰ ওলাইছে।
ইফালে শ্বাহৰূখৰ বহু প্ৰতীক্ষিত ছবি 'পাঠান' মুক্তি দিশে। যশ ৰাজ ফিল্মছৰ চলচ্চিত্ৰখনত কিং খানৰ সৈতে যুটি বান্ধিছে দীপিকা পাডুকোনে। 'পাঠান' ছবিখনত খলনায়কৰ চৰিত্ৰত দেখিবলৈ পোৱা যাব জন আব্ৰাহামক।
Continue Reading
