স্বামী মধ্যবিত্ত, তথাপি পত্নীৰ মান ৰাখিবলৈ উপহাৰ কৰিলে ৪৯ কোটি টকা

ডিজিটেল ডেস্ক: ‘প্ৰথমে মই ভাবিছিলো যে, মোৰ স্বামীয়ে মোৰ লগত ধেমালি কৰি আছে৷ কিন্তু পাছতহে গম পালো তেওঁ মোক সঁচাকৈ ছাৰপ্ৰাইজ দিছিল’- ভাবিব নোৱাৰাকৈ যেতিয়া জীৱনত কিবা এটা পোৱা যায় সেয়া সকলোৰে বাবেই হৈ পৰে আশ্বাৰ্যজনক৷ এগৰাকী মহিলাৰ ক্ষেত্ৰতো একেই হয়৷ জানিব পৰা মতে মধ্যবৃত্তি স্বামীয়ে ভেলাণ্টাইন ডে’ৰ উপহাৰ হিচাপে দিয়ে ৪৯ কোটি টকা৷ এই উপহাৰে একপ্ৰকাৰে আচৰিত কৰি তোলে মহিলাগৰাকীক৷ মহিলাগৰাকীৰ হৈছে আমেৰিকাৰ ভাৰ্জিনিয়াৰ মাৰিয়া চিকাছ৷ তেওঁ অঞ্চলটোত গৃহনিৰ্মাণৰ কাম কৰে৷ জানিব পৰা মতে, তেওঁৰ স্বামী খুব ধনী নাছিল, কিন্তু তেওঁ পত্নীক ভেলেণ্টাইন ডে’ উপলক্ষে ভাৰতীয় মূল্যত ৪৯ কোটি ডলাৰ উপহাৰ দিছিল! দৰাচলতে, তেওঁৰ স্বামীয়ে এটা লটাৰী টিকট ক্ৰয় কৰিছিল৷ আৰু এই লটাৰীৰ জৰিয়তে তেওঁ জিকিছিল বৃহৎ পৰিমাণৰ ধন৷ এই খবৰে আনন্দিত কৰি তুলিছিল ব্যক্তিজনক৷ আৰু কেতিয়াও পত্নীক দামী উপহাৰ দিবলৈ সক্ষম নোহোৱা ব্যক্তিজনে এই বৃহৎ ধনৰাশিৰ টিকটটো পত্নীক ভেলেণ্টাইন ডে’ৰ উপহাৰ হিচাপে প্ৰদান কৰিছিল৷ কিন্তু পত্নী মাৰিয়াই বিশ্বাস কৰিবলৈ অস্বীকাৰ কৰিছিল৷ ইতিমধ্যে এই ঘটনা সামাজিক মাধ্যমত ভাইৰেল হৈ পৰিছে। এই লটাৰী টিকটৰ পৰা টকা পাবলৈ, ২ টা বিকল্প দিয়া হৈছিল। এটা বিকল্পৰ অধীনত, পত্নীয়ে প্ৰায় ৭৫ কোটি টকা( অৰ্থাৎ ১০ নিযুত ডলাৰ) লাভ কৰিব পাৰে। কিন্তু ইয়াৰ বাবে এটা চৰ্ত আছিল যে ৭৫ কোটি টকা একেলগে উপলব্ধ নহ’ব৷ এই ধনৰাশি সম্পূৰ্ণৰূপে পাবলৈ লাগিব ৩০ বছৰত। আৰু দ্বিতীয় বিকল্প হিচাপে ৪৯ কোটি টকা এবাৰতে ল’ব পাৰিব৷ আৰু মাৰিয়াই দ্বিতীয় বিকল্পটো বাছনি কৰিছিল। এবাৰতে তেওঁ ৪৯ কোটি টকা পাইছিল।