ডিজিটেল ডেস্ক: পৃথিৱীত সকলোৱে নিজৰ নামটো চিৰস্মৰণীয় কৰি যাব বিচাৰে। আনে নকৰা কামেৰে ব্যতিক্ৰমী হৈ থাকিব বিচাৰে বহুতেই। পুনৰ চৰ্চালৈ আহিছে অভিলেখ সৃষ্টিকাৰী আন এটা কাণ্ড। এগৰাকী ব্যক্তিয়ে বিশ্ব ৰেকৰ্ড সৃষ্টি কৰিবলৈ খোজ কাঢ়িলে মাটিৰ পৰা ৬,২৩৬ ফুট উচ্চতাত।
বিশ্ব ৰেকৰ্ড সৃষ্টি কৰিবলৈ মানুহজনে ৬,২৩৬ ফুট উচ্চতাত থকা শ্লেকলাইনত খালী ভৰিৰে খোজ কাঢ়িছিল। তেওঁৰ এই ভিডিঅ’ ছ’চিয়েল মিডিয়াত আপলোড কৰা পাছত মূহূৰ্তৰ ভিতৰতে ভাইৰেল হৈ পৰিছে।
গিনিজ ৱ’ৰ্ল্ড ৰেকৰ্ডছে শেহতীয়াকৈ ‘সৰ্বোচ্চ শ্লেকলাইন ৱাক’ৰ বাবে বিশ্ব ৰেকৰ্ডৰ প্ৰচেষ্টাৰ এটা আকৰ্ষণীয় ভিডিঅ’ শ্বেয়াৰ কৰিছে। শ্বাসৰুদ্ধকাৰী ক্লিপটোত ৩৪ বছৰীয়া ৰাফেল জুগনো ব্ৰিডিয়ে মাটিৰ পৰা ৬,২৩৬ ফুট ওপৰত থকা দুটা গৰম বায়ু বেলুনৰ মাজত থকা শ্লেকলাইনত খালি ভৰিৰে খোজ কাঢ়ি থকা দেখা গৈছিল। উল্লেখ কৰিব লাগিব যে, এই উচ্চতা বুৰ্জ খলিফাৰ উচ্চতাৰ দুগুণ।
গিনিছৰ মতে, ২০২১ চনৰ ২ ডিচেম্বৰত ব্ৰাজিলৰ ছাণ্টা কাটাৰিনাৰ প্ৰিয়া গ্ৰেণ্ডৰ ওপৰেৰে ১৮ মিটাৰ দীঘল আৰু ১ ইঞ্চি বহল ক্ৰছিঙত ব্ৰাজিলিয়ান জনে খোজ কাঢ়িছিল।
Continue Reading
