স্বদেশপ্ৰেম : শত্ৰুক ভেটিবলৈ ৰণক্ষেত্ৰত নামী পৰিল ৮০ ঊৰ্ধ্বৰ বৃদ্ধ

ডিজিটেল ডেস্ক : 'ধৰেণে জনম কেৱে এই মৰতত

বয়সে গৰকিছে ৮০ ৰ ঘৰ। দেশখন সংকটত; শক্ৰক ভেটা দিবলৈ সংকল্পবদ্ধ তেওঁ। হাতত এটা চুটকেছ লৈ তেওঁ পোনপটীয়াকৈ ইউক্ৰেইনৰ সেনা শিবিৰত উপস্থিত হ'ল। উদ্দেশ্য এটাই ৰাছিয়াৰ বিৰুদ্ধে দেশৰ হৈ যুঁজ দিব তেওঁ। হাতত বন্দুক লৈ দেশৰ শত্ৰুৰ চকুত চকু ৰাখিবলৈ তেওঁ কুণ্ঠাবোধ কৰা নাই৷ ৰাছিয়াই ইউক্ৰেইনৰ বিৰুদ্ধে যুদ্ধৰ ঘোষণা কৰাৰ পাছতেই দেশখনত চলিছিল ধ্বংসলীলা৷ ৰাছিয়াৰ গুলীবৰ্ষণ আৰু মিছাইল আক্ৰমণত ইউক্ৰেইনৰ শতাধিক সামৰিক-অসামৰিক লোকৰ মৃত্যু হয়৷ ইপিনে দেশখনৰ হকে যুঁজিবলৈ তথা বিপদৰ সময়ত দেশ এৰি নাযাবলৈ ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে নাগৰিকসকলক অনুৰোধ জনাইছিল৷ সেই মৰ্মে ২০ৰ পৰা ৬০ বছৰ বয়সৰ ইউক্ৰেইনৰ নাগৰিকসকলো যুদ্ধ ক্ষেত্ৰত নামী পৰিছিল দেশৰ হকে মৃত্যুবৰণ কৰিবলৈ৷ এনেতে ভাইৰেল হোৱা এখন ফটোই সকলোকে কৰি তোলে আৱেগিক৷ আচলতে লোকজনৰ বয়স আছিল ৮০ৰো উৰ্ধৰ৷ তেওঁৰ অন্তৰত থকা দেশ প্ৰেমে সকলোৰে হৃদয় চুই গৈছিল৷

ফটোখন শুকুৰবাৰে ইউক্ৰেইনৰ প্ৰাক্তন ফাৰ্ষ্টলেডী কেটৰিনা মাইখাইভানা য়ুশ্চেঙ্কোৱে শ্বেয়াৰ কৰিছিল। এই ছবিখন শ্বেয়াৰ কৰাৰ পিছত, তেওঁ লিখিছিল যে, এই ছবিখন তেওঁ নাতি-নাতিনীৰ বাবে ৰাখিছে। তেওঁ টুইটাৰত পোষ্টটোৰ শিৰোনাম দিছিল, 'এই ৮০ বছৰীয়া বৃদ্ধজনৰ এখন ফটো পোষ্ট কৰিছে। এটা সৰু চুটকেছ হাতত লৈ দেশৰ হকে যুঁজিবলৈ সেনাত যোগদান কৰিবলৈ গৈছে। তাত আছিল ২টা টি-চাৰ্ট, এযোৰ অতিৰিক্ত পেণ্ট, এটা টুথব্ৰাছ আৰু দুপৰীয়াৰ আহাৰৰ বাবে কেইটামান ছেণ্ডউইচ। তেওঁ কৈছিল যে তেওঁৰ নাতি-নাতিনীৰ বাবে এইসকলোবোৰ কৰি আছে।’

ফটোখন ক'ত তোলা হৈছিল সেয়া স্পষ্ট নহয়, কিন্তু ই এতিয়ালৈকে মাইক্ৰ'ব্লগিং ছাইটত ২.৪৮ লাখৰো অধিক লাইক লাভ কৰিছে আৰু ৩৯,০০০ টুইটাৰ ব্যৱহাৰকাৰীৰ দ্বাৰা শ্বেয়াৰ কৰিছে। লক্ষণীয়ভাৱে, ইউক্ৰেইনৰ প্ৰতিৰক্ষা মন্ত্ৰালয়ে কিয়েভৰ বাসিন্দাসকলক আক্ৰমণকাৰীসকলক প্ৰতিহত কৰিবলৈ পেট্ৰ'ল বোমা তৈয়াৰ কৰিবলৈ কৈছিল আৰু সাক্ষীসকলে শুকুৰবাৰে সন্ধিয়া চহৰখনৰ পশ্চিম অংশৰ পৰা আৰ্টিলাৰী ৰাউণ্ড আৰু তীব্ৰ গুলীবৰ্ষণৰ শব্দ শুনা গৈছিল।