ডিজিটেল ডেস্ক : দেশৰ ঐতিহ্য তাজমহলৰ ইতিহাস সম্পৰ্কে আকৌ এবাৰ আলোচনা হৈছে বিশ্বজুৰি। বিশ্বৰ অন্যতম ধনী ব্যক্তি ইলন মাস্কে তাজমহল সম্পৰ্কে এটা টুইট কৰাৰ পাছতে চৰ্চিত হৈছে বিষয়টো৷ ইলন মাস্কে মন্তব্য কৰিছে যে, তাজমহল হৈছে 'সঁচাকৈয়ে পৃথিৱীৰ আশ্চৰ্য'।
ইলন মাস্কে তেওঁৰ টুইটত ২০০৭ চনত তাজমহল ভ্ৰমণ কৰাৰ কথা সুঁৱৰি ভাৰত ভ্ৰমণৰ বিষয়ে এটা টোকা লিখিছিল। মাস্কে টুইট কৰিছে, 'এয়া আশ্বৰ্যকৰ। মই ২০০৭ চনত তালৈ গৈছিলোঁ আৰু তাজমহল চাইছিলোঁ, ই সঁচাকৈয়ে পৃথিৱীৰ এক আশ্চৰ্য।' তেওঁ ভ্ৰমণৰ লগতে প্ৰকাশ কৰিছিল যে, তেওঁৰ মাতৃয়ে মাস্কৰ ককা-আইতাৰ তাজমহল ভ্ৰমণৰ বিষয়ে বৰ্ণনা কৰিছিল। এলনে কৈছিল যে তেওঁৰ মাতৃয়ে ককাক আৰু আইতাকক বিমানেৰে তাজমহল লৈ যোৱাৰ প্ৰমাণ আছে।
কেৱল এয়াই নহয়, ইলন মাস্কৰ মাতৃ মায়ে মাস্কেও এই ভ্ৰমণ সম্পৰ্কে টুইট কৰিছিল। তেওঁৰ টুইটে তাজমহল সম্পৰ্কীয় আলোচনাক অধিক মাত্ৰা দিয়ে। তেওঁ ইলন মাস্কৰ ককাক-আইতাকৰ সৈতে এখন ফটো শ্বেয়াৰ কৰিছিল, যাৰ সৈতে তেওঁ টোকাটোত লিখিছিল, '১৯৫৪ চনত, আপোনাৰ ককা-আইতাই দক্ষিণ আফ্ৰিকাৰ পৰা অষ্ট্ৰেলিয়ালৈ যাওঁতে তাজমহল চাবলৈ গৈছিল।'
Continue Reading
