ডিজিটেল ডেস্ক
কেজৰিৱালৰ চৰকাৰৰ মন্ত্ৰী মনীষ ছিচ’দিয়া আজি এখন সংবাদমেলৰ আয়োজন কৰে৷ এই সংবাদমেলত তেওঁৰ বাসগৃহত চি বি আইয়ে তালাচী চলোৱাক লৈ সৰৱ হৈ উঠে মন্ত্ৰীজন৷
চি বি আইক বিজেপি দলে অস্ত্ৰ ৰূপে ব্যৱহাৰ কৰাত ক্ষোভিত হৈ পৰিলেও তেওঁৰ ঘৰত তালাচী চলোৱা আৰক্ষী তথা চি বি আইৰ বিষয়া সকলক লৈ কোনো আক্ষেপ নাই দিল্লীৰ উপ মুখ্যমন্ত্ৰী মনীষ ছিচ’দিয়াৰ৷ উল্লেখযোগ্য যে, চি বি আইয়ে দিল্লীৰ শিক্ষামন্ত্ৰীৰ বাসগৃহটো তালাচী চলাইছিল৷ কিন্তু এই দুয়ো ঠাইতে তালাচী চলোৱা বিষয়া সকল যথেষ্ট নম্ৰ আৰু ভদ্ৰ আছিল বুলি সংবাদমেলত মুকলিকৈ প্ৰকাশ কৰে মনীষ ছিচ’দিয়াই৷ তালাচী চলোৱা বিষয়া সকলে উপ মুখ্যমন্ত্ৰীজনৰ লগতো যথেষ্ট সন্তোষজনক ব্যৱহাৰ কৰিছিল৷
“তেওঁলোক চৰকাৰৰ আদেশ পালন কৰিবলৈ বাধ্য। কিন্তু সুন্দৰ আচৰণৰ বাবে মই তেওঁলোকক যথেষ্ট ধন্যবাদ দিছোঁ” - চি বি আই বিষয়া সম্পৰ্কত এনেদৰেই মত প্ৰকাশ কৰে মনীষ ছিচ’দিয়াই৷
কিন্তু একেসময়তে গুজৰাটত আবকাৰী কেলেংকাৰী হোৱা স্বত্বেও কোনো বিহিত ব্যৱস্থা নোলোৱাত কেন্দ্ৰীয় চৰকাৰক সমালোচনা কৰে মন্ত্ৰীগৰাকীয়ে৷ অৰবিন্দ কেজৰিৱালৰ চৰকাৰৰ মন্ত্ৰী হোৱাৰ বাবেই তেওঁক বাৰে বাৰে কেন্দ্ৰীয় চৰকাৰে আক্ৰমণৰ লক্ষ্য কৰি লৈছে বুলিও মন্তব্য প্ৰদান কৰে মনীষ ছিচ’দিয়াই৷
ছিচ’দিয়াই কয় যে তেওঁ সম্পূৰ্ণৰূপে নিৰ্দোষী আৰু চি বি আই কেন্দ্ৰৰ মতে পৰিচালিত হৈছে৷ তদুপৰি প্ৰাক্তন আয়ুক্ত গোপীকৃষ্ণণ আৰু আন দুগৰাকী
প্ৰশাসনিক বিষয়াৰ ঘৰতো তালাচী চলাইছিল চি বি আইয়ে৷
উল্লেখযোগ্য যে , যোৱা ১৯ আগষ্টত প্ৰায় ১৪ ঘন্টা ধৰি দিল্লীৰ উপ মুখ্যমন্ত্ৰী মনীষ ছিচ’দিয়াৰ ঘৰত তালাচী চলাইছিল চি বি আইয়ে৷
Continue Reading
