থাকিবলৈ নাই ঠাই! অমিতাভ বচ্চনৰ ভাড়াঘৰে শেষ আশ্ৰয় কৃতি ছেননৰ...

ডিজিটেল ডেস্কঃ ভাৰাতীয়া ৰূপত বলীউড অভিনেত্ৰী কৃতি ছেনন৷ অৱশ্যে এই খবৰটো কোনো ডাঙৰ খবৰ নহয় যে যাৰ বাবে সংবাদ মাধ্যমত স্থান পাব৷ সংবাদ মাধ্যমত এই বাবেই খবৰটোৱে স্থান পাইছে, কাৰণ কৃতিয়ে যিটো ঘৰ ভাড়াত লৈছে সেই ঘৰটো হৈছে বলীউডৰ চাহেনশ্বাহ অমিতাভ বচ্চনৰ৷

অমিতাভ বচ্চনে মুম্বাইত দুবছৰৰ বাবে প্ৰতি মাহে ১০ লাখ টকাৰ বিনিময়ত এই ডুপ্লেক্স ইউনিট ভাড়ালৈ লৈ দিছে অভিনেত্ৰীগৰাকীক৷ এপাৰ্টমেণ্টটো আন্ধেৰী পশ্চিমৰ লোখাণ্ডৱালা ৰোডৰ আলটাণ্টিছ ভৱনৰ ২৭ আৰু ২৮ মহলাত অৱস্থিত। ছেননে ৬০ লাখ টকাৰ ছিকৰিটী ধন পৰিশোধ কৰি বুকিং কৰিছে ঘৰটো।

এপাৰ্টমেণ্টটো ছেননে চাৰিখন কাৰ পাৰ্ক কৰিব পাৰিব। ছেননে ১২ নৱেম্বৰত অনুজ্ঞাপত্ৰ চুক্তি কৰি পঞ্জীয়ন কৰিছিল। লীজৰ ম্যাদ ১৬ অক্টোবৰ, ২০২১ ৰ পৰা ১৫ অক্টোবৰ, ২০২৩ লৈ অৰ্থাৎ ২৪ মাহৰ বাবে ঘৰটো চুক্তি কৰিছে৷

কিছুদিনৰ পৰা, ছেননে ব্যক্তিগত কথাৰ বাবে এটুকুৰা নতুন ঠাই বিচাৰি আছিল৷ চহৰখনত অসংখ্য ঘৰ চোৱাৰ পাছত অভিনেত্ৰীগৰাকীয়ে এতিয়া মুম্বাইৰ আন্ধেৰী অঞ্চলৰ এটা নতুন বাসগৃহলৈ যাবলৈ সাজু হৈছে।