ডিজিটেল ডেস্ক: পুনৰ স্মাৰ্ট মহানগৰ আৰক্ষীক চোৰৰ চেলেঞ্জ। গুৱাহাটীৰ মহানগৰীৰ পাথৰকোৱাৰীত চোৰৰ অভিযান। নিশা একেদিনাই দুখনকৈ দোকানত সফল অভিযান চলালে চোৰে।
ভি আৰ জুৱেলাৰ্চ নামৰ এখন সোণ ৰূপৰ আ-অলংকাৰৰ দোকান আৰু শিভম এণ্টাৰপৰাইজ নামৰ এখন হাৰ্ডৱেৰ দোকানত চোৰে কৰিলে চুৰিকাণ্ড।
চোৰে আজব কায়দাৰে দুয়োখন দোকানৰ টিন আৰু চিলিং কাটি দোকানত প্ৰৱেশ কৰি চুৰিকাণ্ড সংঘটিত কৰে৷
চোৰে জুৱেলাৰী দোকানখনৰ পৰা ডেৰলাখ টকাৰ সোণ-ৰূপৰ আ-অলংকাৰ আৰু নগদ ধন লুটি লৈ যায়। ইপিনে হাৰ্ডৱেৰ দোকানখনৰ পৰা বহু লাখ টকাৰ মূল্যৱান সামগ্ৰী আৰু নগদ ধন লুটি লৈ যায়।
শিৱম এণ্টাৰপ্ৰাইজ নামৰ হাৰ্ডৱেৰ দোকানখনৰ চি চি টিভি আবদ্ধ হয় চোৰৰ চুৰিকাণ্ডৰ দৃশ্য। অৱশ্যে জুৱেলাৰী দোকানখনৰ চি চি টিভি আৰু হাৰ্ড ডিস্ক চোৰে লুটি নিয়ে।
ঘটনা সন্দৰ্ভত দোকানৰ স্বত্বাধিকাৰীয়ে নুনমাটি আৰক্ষী থানাত চুৰি সন্দৰ্ভত এজাহাৰ দাখিল কৰিছে৷
Continue Reading
