ডিজিটেল ডেস্কঃ কেন্দ্ৰই অনা তিনিখন নতুন অপৰাধী আইনৰ ক্ষেত্ৰত ইংৰাজীৰ পৰিৱৰ্তে হিন্দী নাম ব্যৱহাৰ কৰাত কোনো আপত্তি নাই। গৃহ পৰিক্ৰমা সম্পৰ্কীয় সংসদীয় সমিতিয়ে ভাৰতীয় ন্যায় বিধি, ভাৰতীয় নাগৰিক সুৰক্ষা বিধি আৰু ভাৰতীয় প্ৰমাণ আইনৰ নাম হিন্দীতে উল্লেখ কৰাৰ বিষয়ত অনুমোদন জনাইছে।
বিজেপি সাংসদ ব্ৰিজলালৰ নেতৃত্বত গঠিত সংসদীয় সমিতিয়ে কৈছে যে গৃহ মন্ত্ৰালয়ে প্ৰস্তুত কৰা তিনিখন নতুন আইনৰ নাম হিন্দীত দিয়া হ'ব । কিন্তু সেই নাম ইংৰাজী লিপিত লিখা হ'ব। গতিকে সেই নামবোৰ অসাংবিধানিক বুলি গণ্য কৰিব পৰা নাযাব।
কেন্দ্ৰই ভাৰতীয় দণ্ডবিধিৰ (আইপিচি) ধাৰা ১২৪(ক) সংশোধন কৰাৰ সিদ্ধান্ত লৈছে। লোকসভাত তিনিখন আইন - ভাৰতীয় দণ্ডবিধি, ফৌজদাৰী প্ৰক্ৰিয়া বিধি (চিআৰপিচি) আৰু ভাৰতীয় প্ৰমাণ আইন সলনি কৰাৰ প্ৰস্তাৱ উত্থাপন কৰা হৈছে। ১৮৬০ চনৰ ভাৰতীয় দণ্ডবিধি ভাৰতীয় ন্যায় সংহিতা হিচাবে পৰিচিত হ’ব।
চিআৰপিচিৰ নাম সলনি হৈ হ’ব নাগৰিক সুৰক্ষা সংহিতা, এভিডেন্স এক্টৰ নাম সলনি হৈ হ’ব ভাৰতীয় সাক্ষ্য আইন।বিৰোধীয়ে কেন্দ্ৰই এই আইনসমূহৰ নাম হিন্দীত দিয়াৰ বিষয়ত আপত্তি কৰি আহিছে। কংগ্ৰেছ আৰু ডিএমকেয়ে প্ৰশ্ন কৰিছে যে সংবিধানৰ ৩৪৮ নং অনুচ্ছেদত কোৱা হৈছে যে ইংৰাজীক আদালতৰ কাৰ্য্যক্ৰম বা আইনত ভাষা হিচাপে ব্যৱহাৰ কৰিব লাগে। তেন্তে এই নতুন আইনবোৰত হিন্দী নাম কিয় ব্যৱহাৰ কৰা হৈছে?
বিৰোধীয়ে গৃহ পৰিক্ৰমা সংসদীয় সমিতিতো প্ৰশ্ন উত্থাপন কৰিছে। অৱশ্যে, শেষত, সংসদীয় সমিতিয়ে তিনিওখন আইনৰ নাম হিন্দীতে কৰাৰ সিদ্ধান্ত লয়।
Continue Reading
