ডিজিটেল ডেস্কঃ টুইটাৰৰ নীলা চৰাইটো বিশ্বৰ প্ৰায়ভাগ লোকৰেই চিনাকি। কিন্তু এই নীলা চৰাইটো হয়তো আৰু বেছিদিন টুইটাৰত লগো হিচাবে ব্যৱহাৰ হৈ নাথাকিব।টুইটাৰৰ নীলা চৰাইটো আঁতৰ কৰাৰ এক ইংগিত পোৱা গৈছে। জনপ্ৰিয় মাইক্ৰ'ব্লগিং ছাইটটোৰ পৰা নীলা চৰাইৰ লগো আঁতৰ কৰাৰ ইংগিত দিছে খোদ টুইটাৰৰ গৰাকী ইলন মাস্কেই।
টেছলাৰ কাৰ্যবাহীগৰাকীৰ টুইটক লৈ যথেষ্ট চৰ্চা হোৱা পৰিলক্ষিত হৈছে। তেওঁ প্ৰকৃততে টুইটত কি লিখিছে? তেওঁ লিখিছে , "আমি অতি সোনকালেই টুইটাৰ ব্ৰেণ্ডক বিদায় দিম। লাহে লাহে, সকলো চৰাই।" তেওঁৰ পোষ্টৰ পিছত, প্ৰশ্ন উত্থাপন হৈছে মাস্কে কেনে ধৰণৰ পৰিৱৰ্তন ক’ব বিচাৰিছে? আনকি বহুতে এই বুলিও সন্দেহ কৰিছে যে টুইটাৰ বন্ধ কৰা হ'ব নেকি? কিন্তু মাস্কে সম্ভৱতঃ টুইটাৰ বন্ধ কৰাৰ কথা কোৱা নাই। তেওঁ প্ৰকৃততে টুইটাৰৰ ৰিব্ৰেণ্ড কৰিবলৈ গৈ আছে। তেওঁৰ টুইটটোৰ পৰা বুজিব পাৰি যে টুইটাৰৰ নীলা চৰাইৰ প্ৰস্থান হোৱাটো হয়তো নিশ্চিত।
মন কৰিবলগীয়া কথাটো হ’ল চিনাকি নীলা চৰাইটো পূৰ্বে টুইটাৰৰ হোমপেজৰ পৰা আঁতৰ কৰা হৈছিল। ইয়াৰ ঠাইত এটা কুকুৰৰ ছবি দিয়া হৈছিল। অৱশ্যে, কেইদিনমানৰ ভিতৰতে নীলা চৰাইৰ লগোটো পুনৰ ঘূৰাই অনা হৈছিল।যোৱা বছৰ টুইটাৰ কোটিপতি মাস্কে ক্ৰয় কৰিছিল। তেতিয়াৰে পৰা তেওঁ টুইটাৰত কেইবাটাও পৰিৱৰ্তন আনিছে। বহু কৰ্মচাৰীক হিদায় দিয়া হৈছে।
Continue Reading
