ডিজিটেল ডেস্কঃ দেৱালীৰ সময়তে পুনৰ দিল্লীত বৃদ্ধি পাইছে প্ৰদূষণৰ মাত্ৰা। উচ্চতম ন্যায়ালয়ৰ নিৰ্দেশ অমান্য কৰি দিল্লীত বহুতে আতচবাজী ফটোৱাত প্ৰদূৰ্ষণ অধিক বৃদ্ধি পাইছে। গোটেই চহৰখন কুঁৱলীৱে আৱৰি ৰাখিছে। সোমবাৰে ৰাজধানী চহৰ খনত বায়ুৰ মান সূচকে বায়ুৰ মান দুৰ্বল বুলি দেখুৱাইছে। কেন্দ্ৰীয় প্ৰদূষণ নিয়ন্ত্ৰণ ব'ৰ্ডৰ সূত্ৰই প্ৰকাশ কৰা অনুসৰি কেৱল দিল্লীতেই নহয়, উত্তৰ প্ৰদেশ আৰু তামিলনাডুকে ধৰি কেইবাখনো ৰাজ্যত বায়ুৰ মানৰ অৱনতি ঘটিছে।
জানিব পৰা মতে পুৱা ৬,৩০ বজাত দিল্লীৰ বায়ুৰ মানদণ্ড ৫০০-ৰ সীমা অতিক্ৰম কৰে। কেন্দ্ৰীয় প্ৰদূষণ নিয়ন্ত্ৰণ বোৰ্ডেও কৈছে যে দিল্লীত বায়ুৰ মানৰ অৱনতি হৈছে। বিভিন্ন সূত্ৰই প্ৰকাশ কৰা মতে একিউআই পুৱা ৮ বজালৈ দিল্লীৰ কেইবা স্থানতো ৩০০-ৰ ওপৰত আছিল।
দিল্লীত যোৱা কেইদিনমান ধৰি প্ৰদূষণে ভয়াৱহ ৰূপ লৈছে। উচ্চতম ন্যায়ালয়ে পৰিস্থিতিৰ মোকাবিলা কৰিবলৈ আতচবাজী ফটোৱাতো নিষিদ্ধ কৰিছিল। কিন্তু ন্যায়ালয়ৰ নিৰ্দেশ উপেক্ষা কৰি ৰাজধানীৰ বিভিন্ন স্থানত আতচবাজী ফুটোৱা হয়। দেওবাৰে দিল্লীৰ বায়ু যথেষ্ট ভাল আছিল।প্ৰদূষণ কেৱল দিল্লীতে নহয় সমগ্ৰ দেশতে বিয়পি পৰিছে। দেৱালীৰ পিছদিনা উত্তৰ প্ৰদেশ, তামিলনাডু, মহাৰাষ্ট্ৰকে ধৰি বহু ৰাজ্যত প্ৰদূষণ বৃদ্ধি পাইছে।
Continue Reading
