উফ কি যন্ত্ৰণা! ১৩ বছৰ ধৰি বেঁকা হৈ আছে এজনী ছোৱালীৰ ডিঙি...কেনেকৈ?

ডিজিটেল ডেস্কঃ কেতিয়াবা শোৱাৰ পজিচন বেয়া হ'লে ডিঙি জঠৰ হৈ পৰে বা ডিঙিত বিষ হয়। তাৰপাছত ডিঙিৰ বিষ শেষ নোহোৱালৈকে মনটোৱে একো কৰিবলৈ মন নকৰে। তেনেস্থলত ভাবকচোন কাৰোবাৰ যদি ডিঙি বহু বছৰ ধৰি বেঁকা হৈ থাকে তেওঁৰ কেনেকুৱা লাগিব? এজনী পাকিস্তানী ছোৱালীৰ ডিঙি যোৱা ১৩ বছৰ ধৰি বেঁকা হৈ আছে। এবাৰ ভাবকচোন কিমান কষ্টত আছে ছোৱালীজনী। ছোৱালীজনীৰ ডিঙিৰ সোঁফালে ৯০ ডিগ্ৰী বেঁকা হৈ আছে। সুখৰ কথাটো হ'ল যে এই ছোৱালীজনীয়ে এই সমস্যাটোৰ পৰা পৰিত্ৰাণ পাইছে।অস্ত্ৰোপচাৰৰ দ্বাৰা তেওঁৰ ডিঙিটো পোন কৰা হ'ল। পাকিস্তানৰ এই ছোৱালীজনীৰ নাম আফছিন গুল। জন্মতে আন শিশুৰ দৰেই আছিল আফছিন কিন্তু এটা দুৰ্ঘটনাৰ পৰা তেওঁৰ ডিঙি বেঁকা হৈ যায়। আফছিনৰ বয়স তেতিয়া ৮ মাহ আছিল। বিচনাত খেলি থাকোতে কণমানিজনী তললৈ বাগৰি পৰিছিল আৰু তেওঁৰ ডিঙি বেঁকা হৈ গৈছিল। দুৰ্ঘটনাটোৰ পিছত আফছিনৰ পৰিয়ালৰ সদস্যসকলে ভাবিছিল যে তেওঁলোকৰ ছোৱালীৰ ডিঙি নিজে নিজে ঠিক হৈ যাব, কিন্তু সেয়া নহ'ল। এনেদৰেই ১৩ বছৰ কটাই দিলে ছোৱালীজনীয়ে। এদিন এখন বাতৰি কাকতত আফছিনৰ বিষয়ে বিতংভাৱে এটা প্ৰবন্ধ প্ৰকাশ পায়।ইয়াৰ পাছত অনেক লোক আফছিন গুলক সহায় কৰিবলৈ আগবাঢ়ি আহে। আফছিনৰ বাবে ৰাইজৰ বৰঙণিৰে প্ৰায় ২৫ লাখ টকা সংগ্ৰহ কৰা হয় আৰু তাৰপাছত চিকিৎসকৰ এটা দলে আফছিনৰ অস্ত্ৰোপচাৰ কৰে। সহজ হ'বলৈ কিছু দিন লাগিব যদিও আফছিনে ভৱিষ্যতৰ দিনবোৰ আন মানুহৰ দৰেই কটাব পাৰিব কিয়নো তেওঁৰ ডিঙিটো এতিয়া সম্পূৰ্ণ পোন হৈ পৰিছে। নতুন জীৱন দিয়া বাবে আফছিন গুলে আৰু তেওঁৰ পৰিয়ালে ৰাইজৰ লগতে চিকিৎসকৰ দলটোক কৃতজ্ঞতা জ্ঞাপন কৰিছে। আৰু পঢ়কঃ কাশ্মীৰী পণ্ডিতলৈ বিয়া হৈ মই বুজিছো এই বেদনা কিমান!‘কাশ্মীৰ ফাইলছ’লৈ সমৰ্থন য়ামী গৌতমৰ