উজলিল দীপলীনা ডেকা; কোনে দিলে এই বিশেষ স্বীকৃতি?

ডিজিটেল ডেস্কঃ অসমৰ যুৱ-প্ৰজন্মৰ অতিকৈ জনপ্ৰিয় কণ্ঠশিল্পী হ'ল দীপলীনা ডেকা৷ নিজৰ সুৰীয়া কণ্ঠেৰে হাজাৰ-হাজাৰ শ্ৰোতা দৰ্শকক মন্ত্ৰমুগ্ধ কৰি আহিছে দীপলীনাই৷ ‘মিছন চাইনা’ চিনেমাখনৰ জৰিয়তে লাইমলাইটলৈ অহা দীপলীনাই অসমীয়া সংগীত জগতক উপহাৰ দি গৈছে ইটোৰ পিছত সিটো জনপ্ৰিয় গীত৷ নিজৰ গীতসমূহত অভিনয় কৰিও তেওঁ দৰ্শকক মোহাচ্ছন্ন কৰি ৰাখিছে৷ ছ'চিয়েল মিডিয়াতো অতি সক্ৰিয় থাকে কণ্ঠশিল্পীগৰাকী৷

শেহতীয়াকৈ দীপলীনা ডেকাই লাভ কৰিছে এক বিশেষ বঁটা৷ ‘দিছপুৰ প্ৰেছ ক্লাব’-এ 'উদীয়মান কণ্ঠশিল্পী ২০২১' বঁটাৰে সন্মানিত কৰিছে দীপলীনা ডেকাক৷ এই বঁটাক 'জীৱনৰ প্ৰথমটো বঁটা' বুলি অভিহিত কৰিছে দীপলীনাই৷

বঁটাৰ সৈতে বিভিন্ন আকৰ্ষণীয় ফটো ছ'চিয়েল মিডিয়াত শ্বেয়াৰ কৰি দীপলীনা ডেকাই লিখিছে, ''জীৱনৰ প্ৰথমটো বঁটা৷ 'উদীয়মান কণ্ঠশিল্পী ২০২১'
ধন্যবাদ দিছপুৰ প্ৰেছ ক্লাব, আপোনালোকৰ এই স্বীকৃতিয়ে মোক আৰু অধিক দায়িত্বশীল কৰি তুলিলে, নিজৰ কৰ্মৰ প্ৰতি সমান্তৰালভাবে সমাজৰ প্ৰতি৷৷''
দীপলীনা ডেকাৰ এই সফলতাত শুভকামনা আৰু অভিনন্দনেৰে উপচাই তুলিছে তেওঁৰ অনুৰাগীসকলে৷