ডিজিটেল ডেস্কঃ শেষ হ’ল এদিনীয়া বিশ্বকাপ!ভাৰতে ফাইনেলত পৰাস্ত হোৱাৰ পাছত ভাৰতীয় ক্ৰীড়াপ্ৰেমী শোকদগ্ধ হৈ থকাৰ মাজতে ঘোষণা কৰা হ’ল ভাৰত বনাম অষ্ট্ৰেলিয়াৰ আগন্তুক টি-২০ শৃংখলাৰ বাবে ভাৰতীয় দলৰ নাম৷এই দলৰ বাবে অধিনায়কৰ দায়িত্ব প্ৰদান কৰা হৈছে সূৰ্যকুমাৰ যাদৱক৷কিন্তু এই দলত স্থান লাভৰ পৰা বঞ্চিত প্ৰতিভাৱান অসমীয়া ক্ৰিকেটাৰ ৰিয়ান পৰাগ৷
অষ্ট্ৰেলিয়া টি-২০ শৃংখলাৰ বাবে ৰিয়ান পৰাগক নিৰ্বাচিত কৰাটো নিশ্চিত বুলি বিবেচিত হৈছিল কাৰণ এই যুৱ খেলুৱৈগৰাকীয়ে সদ্য সমাপ্ত দেওধৰ ট্ৰফী আৰু ছৈয়দ মুস্তাক আলী ট্ৰফীত বল আৰু বেটৰ সৈতে ভাল প্ৰদৰ্শন কৰিছিল। দেওধৰ ট্ৰফীত তেওঁ ১১টা উইকেট লোৱাৰ লগতে ৩৫৪ ৰাণ সংগ্ৰহ কৰি সৰ্বাধিক স্ক’ৰাৰ হোৱাৰ বিপৰীতে মুস্তাক আলী ট্ৰফীত ১১টা উইকেট লোৱাৰ উপৰিও ৫১০ ৰাণ সংগ্ৰহ কৰি প্ৰতিযোগিতাখনৰ সৰ্বাধিক স্ক’ৰাৰ হিচাপে বিবেচিত হয়।
কিন্তু অসমীয়া ক্ৰিকেটাৰজনে এই উপেক্ষা লাভ কৰাৰ কাৰণ কি?বহুতে ইয়াৰ বাবে বিচিচিআইৰ পক্ষপাতদুষ্ট ব্যৱহাৰক দায়ী কৰাৰ বিপৰীতে দলৰ মুখ্য নিৰ্বাচকৰ লগত ঘনিষ্ঠতা নথকাৰ বাবে এই উপেক্ষা লাভ কৰা বুলি বহুতে দাবী কৰিছে৷ইতিমধ্যে অসম ক্ৰিকেট সন্থাৰ পূৰ্বৰ শীৰ্ষস্থানীয় ব্যক্তি দেৱজিৎ শইকীয়া বৰ্তমান বিচিচিআইৰ উচ্চ পদত আসন গ্ৰহণ কৰি আছে৷এনে প্ৰেক্ষাপটত অসমত উচ্চমানৰ ক্ৰিকেট পৰিবেশ তথা সকলোৱে সমান সুযোগ আৰু সুবিধা পোৱাটো নিশ্চিত কৰাটো বিচিচিআই আৰু অসম ক্ৰিকেট সন্থাৰ নৈতিক কৰ্তব্য৷
Continue Reading
