--°C
Loading...
Listen to Article
4 min read
80%

In Short

  • এতিয়া আপুনি এটা সময়ত ৫ লাখ টকা পৰ্যন্ত লেনদেন কৰিব পাৰিব। ১৫ ছেপ্টেম্বৰৰ পৰা এই পৰিৱৰ্তন কাৰ্যকৰী হ’ব আৰু সকলো বেংক আৰু পেমেণ্ট এপেও ইয়াক অনুসৰণ কৰিব লাগিব।

ডিজিটেল ডেস্কঃ যদি আপুনিও ইউ পি আইৰ জৰিয়তে বৃহৎ পৰিমানৰ ধন লেনদেন কৰে, তেন্তে এই খবৰটো আপোনাৰ বাবে উপযোগী। ভাৰতীয় ৰাষ্ট্ৰীয় পেমেণ্ট নিগমে বহু শিতানত ইউপিআই পেমেণ্টৰ সীমা বৃদ্ধি কৰিছে। 


এতিয়া আপুনি এটা সময়ত ৫ লাখ টকা পৰ্যন্ত লেনদেন কৰিব পাৰিব। ১৫ ছেপ্টেম্বৰৰ পৰা এই পৰিৱৰ্তন কাৰ্যকৰী হ’ব আৰু সকলো বেংক আৰু পেমেণ্ট এপেও ইয়াক অনুসৰণ কৰিব লাগিব।


কোনবোৰ শ্ৰেণীত সীমা বৃদ্ধি কৰা হৈছে?


ইয়াৰ পূৰ্বে মূলধনী বজাৰ, বীমা আৰু ভ্ৰমণৰ দৰে শিতানত মাত্ৰ ২ লাখ টকা পৰ্যন্তহে লেনদেন কৰিব পৰা গৈছিল। কিন্তু এতিয়া এই শিতানসমূহৰ সীমা ৫ লাখলৈ বৃদ্ধি কৰা হৈছে। কেৱল এয়াই নহয়, এই খণ্ডসমূহত আপুনি ২৪ ঘন্টাত মুঠ ১০ লাখ টকা পৰ্যন্ত ধন পৰিশোধ কৰিব পাৰিব।


ক্ৰেডিট কাৰ্ড আৰু সংগ্ৰহৰ ওপৰত প্ৰভাৱ


ক্ৰেডিট কাৰ্ডৰ বিল পৰিশোধৰ সীমাও এতিয়া বৃদ্ধি পাইছে। ইয়াত এটা লেনদেনত ৫ লাখ টকা পৰ্যন্ত পৰিশোধ কৰিব পৰা যায়, আনহাতে গোটেই দিনটোৰ মুঠ সীমা ৬ লাখ টকা নিৰ্ধাৰণ কৰা হৈছে। একেদৰে সংগ্ৰহৰ শ্ৰেণীতো এদিনতে মুঠ ১০ লাখ টকা পৰ্যন্ত ধন পৰিশোধ কৰিব পাৰি।


গহনা আৰু ডিজিটেল একাউণ্ট 


গহনা ক্ৰয়ৰ বাবে এটা লেনদেনৰ সীমা নিৰ্ধাৰণ কৰা হৈছে ২ লাখ টকা আৰু গোটেই দিনটোৰ সীমা ৬ লাখ টকা। একে সময়তে ডিজিটেল একাউণ্ট খোলাৰ বাবে ৫ লাখ টকা পৰ্যন্ত ধন পৰিশোধ কৰিব পাৰিব। কিন্তু যদি এইটোৱেই একাউণ্ট খোলাৰ প্ৰাৰম্ভিক পুঁজি হয়, তেন্তে সীমা হ’ব মাত্ৰ ২ লাখ টকা।


এফএক্স খুচুৰা আৰু ব্যৱসায়িক পেমেণ্ট


এফ এক্স ৰিটেইল ইউজ কেছ অৰ্থাৎ মুদ্ৰা বিনিময় বা বিদেশী ৰেমিটেন্সৰ দৰে সেৱাৰ বাবে এতিয়া ৫ লাখ টকা পৰ্যন্ত পৰিশোধ কৰিব পাৰিব। ব্যৱসায়িক আৰু ব্যৱসায়ীসকলৰ ধন পৰিশোধৰ সীমাও ৫ লাখ টকা নিৰ্ধাৰণ কৰা হৈছে।


কোন কোন ব্যৱহাৰকাৰীয়ে লাভ কৰিব?


এনপিচিআইয়ে স্পষ্ট কৰি দিছে যে এই বৃদ্ধি কৰা সীমা কেৱল পৰীক্ষিত ব্যৱসায়ী একাউণ্টৰ বাবেহে। সাধাৰণ ব্যৱহাৰকাৰীৰ পৰা ব্যৱহাৰকাৰীলৈ (পি টু পি) লেনদেনৰ ক্ষেত্ৰত প্ৰতিদিনে ১ লাখ টকাৰ একে সীমা প্ৰযোজ্য হ’ব। বেংক আৰু পেমেণ্ট এপসমূহেও নিজৰ আভ্যন্তৰীণ নীতি অনুসৰি বিভিন্ন সীমা ৰাখিব পাৰে, কিন্তু ই এন পি চি আইয়ে নিৰ্ধাৰণ কৰা নতুন সীমা অতিক্ৰম নকৰে।


এন পি চি আইয়ে কিয় এই সিদ্ধান্ত ল’লে?


UPI এতিয়া দেশৰ ভিতৰতে সৰ্বাধিক জনপ্ৰিয় পেমেণ্ট মোডত পৰিণত হৈছে। বৃহৎ সংখ্যক লোকে বীমা প্ৰিমিয়াম, মূলধনী বজাৰ বিনিয়োগ আৰু ভ্ৰমণৰ দৰে উচ্চ মূল্যৰ শিতানত ডিজিটেল পেমেণ্ট কৰিব বিচাৰে। এই প্ৰয়োজনীয়তাসমূহ মনত ৰাখি এন পি চি আইয়ে সীমা বৃদ্ধি কৰিছে। 


FOLLOW US F
POPULAR
FEATURE
TRENDY
পোষ্টেল বেলটৰ গণনা সমাপ্ত নকৰাকৈ ই ভি এমৰ গণনা শেষ কৰিব নোৱাৰিব
জুবিন গাৰ্গক 'ভাৰত ৰত্ন' প্ৰদানৰ আহ্বান জনাই প্রধানমন্ত্রীলৈ পত্র
'আদালতে পইন্ট টু পইন্ট প্রমাণ বিচাৰিব', এছ আই টিৰ ওপৰত ভৰসা ৰাখিবলৈ ৰাজ্যবাসীক আহ্বান মুখ্যমন্ত্ৰীৰ
তীর্থভূমিত পৰিণত জুবিন গাৰ্গৰ সমাধিক্ষেত্র, বৈ আছে অনুৰাগীৰ অবিৰত সোঁত
বজালীত জোঁৱাইয়েকৰ দাৰ ঘাপত আহত পত্নী আৰু শাহুৱেক
বাক্সাৰ ভাৰত-ভূটান সীমান্তত বনৰীয়া হাতীৰ ত্ৰাস
জুবিন গাৰ্গৰ শেষকৃত্য ক’ত কৰা হ’ব? দিয়া হ’ব নে চৰকাৰী বন্ধ? কি ক’লে মুখ্যমন্ত্ৰীয়ে?
বিদ্যালয়ৰ পৰীক্ষা অনুষ্ঠিত কৰিবলৈ লোৱাত প্ৰতিবাদত নামিল শিক্ষাৰ্থী
ছিংগাপুৰৰ সাগৰৰ পাৰত হঠাৎ নিঠৰ হʼল এটা মায়াময় সুৰ
হঠাতেই হেৰাল কেনিনো মোৰ চোতালৰে জোনাক
নীৰৱে-নিতালে শুই অসম পালেহি প্ৰাণৰ শিল্পী জুবিন গাৰ্গ
কাইলৈ প্ৰাণৰ শিল্পী জুবিন গাৰ্গৰ অন্ত্যেষ্টিক্ৰিয়া ; সৰুসজাইৰ পৰা সোণাপুৰলৈ জুবিনৰ অন্তিম যাত্ৰা
শোণিতপুৰৰ বালিপৰাত নিৰ্মাণ কৰা হ'ব অসমীয়াৰ হিয়াৰ আমঠু জুবিন গাৰ্গৰ প্ৰতিমূৰ্তি
শেষকৃত্যৰ ১৩ দিনৰ পাছত যোৰহাটত চিতাভস্ম লৈ হ'ব ৰাজ্য চৰকাৰৰ অনুষ্ঠান