ডিজিটেল
ডেস্ক : ২০১৪ চনৰ তুলনাত উত্তৰ-পূৰ্বাঞ্চলত হ্ৰাস পাইছে ৭৪ শতাংশ সন্ত্ৰাসবাদজনিত সমস্যা। বুধবাৰে ৰাজ্যসভাত এই তথ্য দাখিল কৰে কেন্দ্ৰীয় মন্ত্ৰী নিত্যানন্দ ৰায়ে৷ইয়াৰোপৰি নিত্যানন্দ ৰায়ে জনায় যে, পূৰ্বতকৈ ২০২১ চনত সাধাৰণ নাগৰিকৰ মৃত্যুৰ হাৰ ৮৯ শতাংশ হ্ৰাস পাইছে।
২০১৫ চনৰ পৰা ১৫ জুলাই পৰ্যন্ত বিভিন্ন সন্ত্ৰাসবাদী সংগঠনৰ মুঠ ৬,০৭০ জন কেডাৰে আত্মসমৰ্পণ কৰিছে আৰু মূলসুঁতিলৈ ঘূৰি আহিছে৷ এই তথ্যও কেন্দ্ৰীয় মন্ত্ৰী নিত্যানন্দ ৰায়ে ৰাজ্যসভাত দাখিল কৰে৷
“২০১৪ চনৰ পৰা উত্তৰ-পূৰ্বাঞ্চলৰ আইন-শৃংখলা অধিক উন্নত হৈছে ৷ ২০১৪ চনৰ তুলনাত উত্তৰ-পূৰ্বাঞ্চলৰ ৭৪ শতাংশ সন্ত্ৰাসবাদজনিত সমস্যা হ্ৰাস পাইছে৷ সাধাৰণ নাগৰিকৰ মৃত্যুৰ হাৰ ৮৯ শতাংশ হ্ৰাস পোৱাৰ লগতে হতাহতিৰ হাৰ ৬০ শতাংশ হ্ৰাস পাইছে ৷”- বুধবাৰে ৰাজ্যসভাত এনেদৰে মন্তব্য কৰে মন্ত্ৰী নিত্যানন্দ ৰায়ে।
Continue Reading
