ডিজিটেল ডেস্কঃ ভাৰতৰ আটাইতকৈ প্ৰভাৱশালী ব্যক্তিৰ তালিকা শেহতীয়াকৈ প্ৰকাশ পাইছে৷ দেশৰ আগশাৰীৰ সংবাদ গোষ্ঠী ইণ্ডিয়ান এক্সপ্ৰেছে চলোৱা সমীক্ষাৰ ভিত্তিত প্ৰকাশিত তালিকাত এইবাৰো প্ৰধানমন্ত্ৰী নৰেন্দ্ৰ মোদী প্ৰথম স্থানত আছে৷ একেদৰে দ্বিতীয় স্থানত আছে কেন্দ্ৰীয় গৃহমন্ত্ৰী অমিত শ্বাহ৷
তালিকাৰ তৃতীয় স্থান আছে দেশৰ বৈদেশিক পৰিক্ৰমা দপ্তৰৰ মন্ত্ৰী এছ জয় শংকৰ৷ এইবাৰ তালিকাৰ ১৫ সংখ্যক স্থানলৈ উধাবলৈ সক্ষম হৈছে কংগ্ৰেছৰ নেতা ৰাহুল গান্ধী৷ পূৰ্বে তালিকাত ৰাহুলৰ স্থান আছিল ৫১ ৷জে পি নাড্ডাৰ তালিকাত স্থান হৈছে ৭৷ একেদৰে অসমৰ মুখ্যমন্ত্ৰী হিমন্ত বিশ্ব শৰ্মাৰ এইবাৰ প্ৰভাৱশালী ব্যক্তিৰ তালিকাত স্থান হৈছে ১৭৷
এছ জয়শংকৰে আৰ এছ এছ ৰ মুৰব্বী মোহন ভাগৱত আৰু বিজেপি সভাপতি জে পি নাড্ডাতকৈ তালিকাত ওপৰত আছে।হিমন্ত বিশ্ব শৰ্মাই পূৰ্বৰ ৩২ ৰ পৰা ১৭ নম্বৰলৈ উধাবলৈ সক্ষম হৈছে৷ কেন্দ্ৰীয় মন্ত্ৰী অশ্বিনী বৈষ্ণৱ ১৯ নম্বৰ স্থানত আছে । উল্লেখ্য অসমকে ধৰি উত্তৰ পূব ভাৰতত বিজেপিৰ স্থিতি মজবুত কৰাত হিমন্ত বিশ্ব শৰ্মাৰ অৱদানৰ কথা এতিয়া দেশত চৰ্চা হৈছে৷ এনে কাৰণতে হয়তো পূৰ্বে ভাৰতৰ প্ৰভাৱশালী ব্যক্তিৰ তালিকাত ৩২ সংখ্যক স্থানত থকা হিমন্ত বিশ্ব শৰ্মাই এইবাৰ ১৭ সংখ্যক স্থান লাভ কৰিবলৈ সক্ষম হৈছে৷
Continue Reading
