ভাৰতীয় প্ৰশিক্ষক লাভ কৰিলেহে জয় হ’ব ইংলেণ্ডৰ! কি ক’লে ৰবি শাস্ত্ৰীয়ে?

ইংলেণ্ডে নিজৰ শেষৰখন মেচত নেদাৰলেণ্ডৰ বিৰুদ্ধে জয়লাভ কৰি পুনৰ উভতি আহিছে, আৰু এতিয়া আশা কৰা হৈছে যে তেওঁলোকৰ দলটোৱে আইচিচি চেম্পিয়নছ ট্ৰফী ২০২৫ৰ বাবে যোগ্যতা অৰ্জন কৰিব৷ইংলেণ্ডৰ শেষৰখন মেচত ইংলেণ্ডৰ হৈ বিশ্বকাপ জয় কৰা প্ৰাক্তন অধিনায়ক ইয়ন মৰ্গান ৰবি শাস্ত্ৰীৰ সৈতে ইংৰাজী কমেণ্টৰী বক্সত উপস্থিত আছিল। তেনেতে মেচখনত থকা অনুৰাগী এজনৰ এখন পোষ্টাৰ দেখা পোৱা গ’ল৷য’ত লিখা আছিল ইংলেণ্ডক এজন ভাৰতীয় প্ৰশিক্ষকৰ প্ৰয়োজন৷ পোষ্টাৰখন দেখাৰ পাছত যেতিয়া ইয়ন মৰ্গানে ৰবি শাস্ত্ৰীক এই সন্দৰ্ভত মতামত বিচাৰিছিল, তেতিয়া ৰবি শাস্ত্ৰীয়ে হিন্দীত কৈছিল - "হয়, আমাক যোগাযোগ কৰক, আমি শিকাম, আমি হিন্দী শিকাম, আৰু আমি ক্ৰিকেটো শিকাম।" ৰবি শাস্ত্ৰীয়ে প্ৰথমে ইংৰাজী ধাৰাভাষ্যত হিন্দীত এই কথা কৈছিল আৰু তাৰ পাছত ইংৰাজীলৈ অনুবাদ কৰি তাত উপস্থিত ইয়ন মৰ্গানকে ধৰি দৰ্শকক বুজাই দিছিল।

আইচিচিয়ে ৰবি শাস্ত্ৰীৰ এই কথা-বতৰাৰ ভিডিঅ’ ক্লিপ ছ’চিয়েল মিডিয়াত শ্বেয়াৰ কৰিছে, যিটো এতিয়া ভাইৰেল হৈ পৰিছে। এতিয়া চাব লাগিব এই বিশ্বকাপত লজ্জাজনক প্ৰদৰ্শনৰ সন্মুখীন হৈ ইংলেণ্ড দলে ভাৰতীয় প্ৰশিক্ষকৰ সহায় লোৱাটোৰ প্ৰয়োজনীয়তাবোধ কৰে নে নকৰে!