ডিজিটেল ডেস্কঃ ভাৰতীয় টকাত আমি সদায় মহাত্মা গান্ধীৰ ছবি দেখি আহিছো। হঠাতে এটা খবৰ শুনিবলৈ পোৱা গ'ল যে ভাৰতীয় মুদ্ৰাত এতিয়া বৃহৎ পৰিৱৰ্তন কৰাৰ কথা চিন্তা কৰিছে ভাৰতীয় ৰিজাৰ্ভ বেংকে। এই পৰিৱৰ্তন অনুসৰি ভাৰতীয় টকাত আৰু দেখিবলৈ পোৱা নাযাব জাতিৰ পিতা মহাত্মা গান্ধীৰ ছবি।
এই খবৰটো যেতিয়া সংবাদ মাধ্যমৰ শিৰোনামত পৰিণত হ’ল তেতিয়া আৰবিআইয়ে এই সন্দৰ্ভত নিজৰ বিবৃতি প্ৰকাশ কৰিছে। খবৰ বিয়পি পৰিছিল যে অতি সোনকালে ভাৰতীয় নোটত মহাত্মা গান্ধীৰ সলনি ৰবীন্দ্ৰ নাথ ঠাকুৰ আৰু মিছাইল মেন এ পি জে আব্দুল কালামৰ ছবি দেখিবলৈ পোৱা যাব। কিছুমানে কৈছিল যে নোটত তিনিওগৰাকী ব্যক্তিৰে ছবি থাকিব।
এই সন্দৰ্ভত ভাৰতীয় ৰিজাৰ্ভ বেংকে স্পষ্টভাৱে বিবৃতি দি কয় যে বৰ্তমানৰ ভাৰতীয় মুদ্ৰা আৰু নোটত কোনো ধৰণৰ পৰিৱৰ্তন কৰাৰ কোনো ধৰণৰ প্ৰস্তাৱ গ্ৰহণ কৰা নাই। ভাৰতীয় টকাত মহাত্মা গান্ধীৰ ছবিৰ সলনি ৰবীন্দ্ৰ নাথ ঠাকুৰ আৰু এপিজে আব্দুল কালামৰ ছবি ছপা হ'ব বুলি যি বাতৰি বা খবৰ ওলাইছে সেয়া উৰাবাতৰিৰ বাহিৰে আন একো নহয়।
Continue Reading
