ভাৰতলৈ আহি সলনি হ’ল পৰিচয়! বিশ্ব স্বাস্থ্য সংস্থাৰ মুৰব্বীক ‘তুলসীভাই’ নাম দিলে মোদীয়ে

ডিজিটেল ডেস্ক : ক’ভিডৰ সংক্ৰমণৰ মাজতে ভাৰত ভ্ৰমণলৈ আহিছে বিশ্ব স্বাস্থ্য সংস্থাৰ মুৰব্বী। গুজৰাটৰ প্ৰধানমন্ত্ৰী মোদীৰ সৈতে একেলগে ভাগ লৈছে বিভিন্ন কাৰ্যসূচীত। জামনগৰত স্থাপন কৰিছে হুৰ আন্তঃৰাষ্ট্ৰীয় পৰম্পৰাগত ঔষধি কেন্দ্ৰ। তাৰ মাজতে সভাত ভাগ লৈ গুজৰাটী ভাষাত সম্ভাষণো জনাইছে সমবেত সকলোকে। ক’ভিডক লৈ চলি থকা উদ্বেগ, অভিযোগ, সমালোচনাৰ মাজতে মোদী তথা ‘হু’ৰ মুৰব্বী ঘেব্ৰিয়েছাছৰ ভ্ৰমণে বিশেষ চৰ্চা লাভ কৰিছে। এই কাৰ্যসূচীৰ মাজতে প্ৰধানমন্ত্ৰী নৰেন্দ্ৰ মোদীয়ে এক বিশেষ উপহাৰ দিলে ‘হু’ৰ মুৰব্বী ঘেব্ৰিয়েছাছক।

প্ৰধানমন্ত্ৰী মোদীয়ে মঞ্চত টেড্ৰোছ অধানম ঘেব্ৰিয়েছাছক মঞ্চত বহুৱাই তেওঁলোকৰ ঘনিষ্ঠ
বন্ধুত্বৰ কথা প্ৰকাশ কৰে। তেওঁ আনকি ঘেব্ৰিয়েছাছক এটা নতুন নামো উপহাৰ দিয়ে। বিশ্ব স্বাস্থ্য সংস্থাৰ মুৰব্বীগৰাকীক ‘তুলসীভাই’ নামেৰে নামাংকিত কৰে।

তেওঁ কয়, ‘বিশ্ব স্বাস্থ্য সংস্থাৰ মুৰব্বী টেড্ৰোছ মোৰ এজন ভাল বন্ধু। যেতিয়াই মই তেওঁক লগ পাওঁ, তেওঁ সদায় কয় যে মই আজি যি আছোঁ তাত ভাৰতৰ এক ডাঙৰ অৱদান আছে। মই মোৰ ভাৰতীয় শিক্ষকসকলৰ সঠিক শিক্ষাৰ বাবে সফলতা লাভ কৰিবলৈ সক্ষম হৈছোঁ। মই অত্যন্ত গৌৰৱান্বিত যে ভাৰতৰ দৰে এখন দেশৰ সৈতে মোৰ আজীৱন সম্পৰ্ক আছে।’

একে সময়তে, মোডীয়ে কয় যে, যেতিয়াই তেওঁ টেড্ৰোছৰ সৈতে কথা পাতিছিল, বিশ্ব স্বাস্থ্য সংস্থাৰ মুৰব্বীয়ে তেওঁক কৈছিল যে তেওঁ এতিয়া এজন পাক্কা গুজৰাটী। একে সময়তে, তেওঁ মোডীক তেওঁৰ বাবে এটা গুজৰাটী নাম ৰাখিবলৈও অনুৰোধ কৰে। আৰু মোদীয়ে মঞ্চৰ পৰাই টেড্ৰোছ ঘেব্ৰিয়েছাছক তুললী ভাই বুলি নতুনকৈ নামকৰণ কৰে।

প্ৰধানমন্ত্ৰীয়ে লগতে কয়, ‘আজিও মঞ্চত উঠাৰ পূৰ্বে তেওঁ মোক সুধিছে যে মই তেওঁৰ বাবে নাম নিৰ্বাচন কৰিছোঁ নে নাই? আজি মহাত্মা গান্ধীৰ পবিত্ৰ জন্মস্থানত থিয় হৈ মই গুজৰাটী হোৱাৰ গৌৰৱেৰে টেড্ৰোছৰ নাম সলনি কৰি ‘তুলসীভাই’ ৰাখিছোঁ। তুলসী হৈছে এনে এজোপা গছ যাক ঘৰত ৰখা হয় আৰু পূজা কৰা হয়। ভাৰতৰ আধ্যাত্মিকতাৰ সৈতে গছৰ নিবিড় সম্পৰ্ক আছে।

বিশ্ব স্বাস্থ্য সংস্থাৰ মুৰব্বীগৰাকীক সম্বোধন কৰি তেওঁ কয়, ‘আপুনি জানি বৰ আনন্দিত হ'ব যে আমাৰ দেশত তুলসী কেৱল আয়ুৰ্বেদৰ আধ্যাত্মিকতাৰ সৈতে জড়িত। ভাৰতীয় শিক্ষকসকলৰ প্ৰতি আপোনাৰ সন্মান, গুজৰাটৰ প্ৰতি আপোনাৰ মৰম দেখি মই মহাত্মা গান্ধীৰ দেশৰ পৰা আপোনাৰ বাবে এই নামটো বাছনি কৰিছোঁ। আৰু যেতিয়া গুজৰাটী হোৱাৰ কথা আহে তেতিয়া নামৰ সৈতে ‘ভাই’ সংলগ্ন নকৰিলে সেয়া সম্পূৰ্ণ হৈ নুঠে। আজিৰ পৰা, মই আপোনাক তুলসী ভাই বুলি মাতিম।’

মোদীৰ এই মন্তব্য মঞ্চত বহি হাঁহি হাঁহি উপভোগ কৰা দেখা গ’ল বিশ্ব স্বাস্থ্য সংস্থাৰ মুৰব্বীগৰাকীক।