ডিজিটেল ডেস্কঃ পুৰণি দিনৰ কথাবোৰে মাজে মাজে দোলা দি যায় সকলোৰে মনত। এইবাৰ এৰি অহা দিনৰ স্মৃতি ৰোমন্থন কৰিছে বলীউডৰ একচত্ৰী সম্ৰাট অমিতাভ বচ্চনে। নষ্টালজিয়াত ওপঙি উঠিল বলীউড শ্বেহেনশ্বাহ বিগ-বি। বলীউড কঁপোৱা ছবিখন মুক্তি পাইছিল সেই মাহৰ ১২ তাৰিখে। জিনাত আমানৰ বিপৰীতে বিগ-বিৰ ছবিখন চাবলৈ ছবিগৃহৰ সন্মুখত দেখিবলৈ পোৱা গৈছিল লানি নিছিগা দৰ্শকৰ সোঁত। অলপতে বলীউড শ্বেহেনশ্বাহে সেই সময়ৰ এখন ছবি শ্বেয়াৰ কৰিছে।
ছবিখনত দেখা গৈছে চিনেমা হলৰ সন্মুখত শাৰী পাতি থিয় হৈ থকা চলচ্চিত্ৰপ্ৰেমীৰ ভিৰ। বিগ-বিয়ে ইনষ্টাগ্ৰামত শ্বেয়াৰ কৰা আলোকচিত্ৰখন আচলতে ‘ডন’ ছবিৰ টিকটৰ লাইন। দীঘলীয়া শাৰীটো বন্দী হৈছে ক’লা আৰু বগা ফ্ৰেমত। অমিতাভ বচ্চনে ফটোখন শ্বেয়াৰ কৰি লিখিছে, ‘ৱ ভী কিয়া দিন থে।’
ছ’চিয়েল পোষ্টত তেওঁ লিখিছে, ‘ডন’ ছবিৰ এডভান্স বুকিং লাইন। এই শাৰী বহু মাইল আগুৱাই গৈছে। ১৯৭৮ চনত মুক্তি লাভ কৰিছিল এই ছবিখন। আজিৰ পৰা ৪৪ বছৰ আগেয়ে। সেই বছৰত আৰু কেইবাখনো ছবি মুকলি কৰা হৈছিল। যেনে- 'ডন', 'কছমে ৱাদে', 'ত্ৰিশূল', 'মুকদ্দৰ কা ছিকন্দৰ', 'গংগা কী সুগন্ধ'। বৰ্তমান পৰিস্থিতিত প্ৰযোজকসকলে দৰ্শকক আপ্লুত কৰাত ব্যৰ্থ হৈছে। ইখনৰ পিছত সিখন ছবি যেনে ‘সম্ৰাট পৃথ্বীৰাজ’, ‘ধাকাড়’, ‘বচ্চন পাণ্ডে’-ৰ দৰে ইখনৰ পাছত সিখন ছবি ব’ক্স অফিছত স্থান লাভ কৰিছে। এমে এক কঠিন সময়ত সোণালী দিনৰ স্মৃতিত যেন ডুব গৈছে বিগ-বি।
Continue Reading
