ভেজিটেবল জলফ্ৰেজী, নৱৰতন বিৰিয়ানী...আৰু কি কি লোভনীয় খাদ্য থাকিব পঞ্জাৱৰ মুখ্যমন্ত্ৰীৰ বিয়াত?

ভেজিটেবল আইটেমত আছে কাঢ়াই পনীৰ, মাছৰুম পিঁয়াজ, এপ্ৰিকোট ষ্টাফড কুফ্টা, কালোনজী আলু, ভেজটিবেল জলফ্ৰেজী, চানা মছলা, তন্দুৰী কুলচা, দল মাখানী।ইয়াৰ বিপৰীতে ছুইট ডিজাৰ্টত থাকিব মুগ দাল হালৱা, শ্বাহী টুকড়া, আংগুৰি ৰসমালাই, মাহ দি জলেবি, আইচক্ৰীম, ড্ৰাই ফ্ৰুটছ ৰাবৰী, ফ্ৰেচ ফ্ৰুট ট্ৰিফল, গুলাব জামুন। জিৰা অনিয়ন পোলাও, নৱৰতন বিৰিয়ানী, বুৰানী ৰায়তা, পাপড়, চাটনি, ছয় প্ৰকাৰৰ চালাদ আদিৰে ভৰপূৰ হৈ থাকিব পঞ্জাৱৰ মুখ্যমন্ত্ৰীৰ বিয়াৰ মেনু। ভগৱন্ত মানৰ এইখন দ্বিতীয় বিবাহ। এই বিবাহৰ পৰিকল্পনা অতি গোপনভাৱে কৰা হৈছিল। আনকি কিছুমান আত্মীয়ই টিভিৰ পৰাহে এই বিবাহৰ তথ্য লাভ কৰা বুলিও জনাইছিল। এই বিয়াত এটা সৰু অনুষ্ঠান পৰিবেশন কৰা হ’ব য’ত দিল্লীৰ মুখ্যমন্ত্ৰী অৰবিন্দ কেজৰিৱালৰ পৰিয়াল উপস্থিত থাকিব। দৰাৰ পিতৃৰ ৰীতি-নীতি অৰবিন্দ কেজৰিৱালে সম্পন্ন কৰিব। ইয়াৰ বাহিৰেও ৰাঘৱ চাধা ইতিমধ্যে মানৰ ঘৰ পোৱাৰ পিছতেই বিয়াৰ প্ৰস্তুতিত ব্যস্ত হৈ পৰিছে।

 ভগৱন্ত মানৰ কইনা ড০ গুৰপ্ৰীত কৌৰ কোন? ৩২ বছৰীয়া গুৰপ্ৰীত কৌৰৰ ঘৰ হাৰিয়ানাত। বৰ্তমান তেওঁ আৰু তেওঁৰ পৰিয়াল পঞ্জাৱৰ ৰাজপুৰাত বাস কৰে। গুৰপ্ৰীত তেওঁৰ পৰিয়ালৰ তৃতীয়গৰাকী ছোৱালী, তেওঁৰ দুগৰাকী বায়েক আছে। গুৰপ্ৰীতৰ দুয়োগৰাকী বায়েক বিদেশত থাকে। পিতৃয়ে কৃষিৰ কাম চোৱা-চিতা কৰে। গুৰপ্ৰীতে মহৰ্ষি মাৰকান্দেশ্বৰ চিকিৎসা বিজ্ঞান প্ৰতিষ্ঠানৰ পৰা এম বি বি এছ কৰিছে। সম্প্ৰতি বিয়াখনৰ বাবে এসপ্তাহৰ বাবে চণ্ডীগড়লৈ আহিছে গুৰপ্ৰীতৰ পৰিয়াল। তথ্য অনুসৰি গুৰপ্ৰীত কৌৰ ভগৱন্ত মানৰ পৰিয়ালৰ সৈতে আগৰে পৰা যোগাযোগত আছিল। মানৰ পৰিয়ালক তেওঁ বহুবাৰ লগ পাইছে। মানৰ শপত গ্ৰহণ অনুষ্ঠানতো অংশ লৈছিল গুৰপ্ৰীত কৌৰে। 

গুৰপ্ৰীত কৌৰৰ পিতৃৰ নাম ইন্দৰজিৎ সিং আৰু মাতৃৰ নাম ৰাজ কৌৰ। তথ্য অনুসৰি ২০১৯ চনত গুৰপ্ৰীতে ভগৱন্ত মানক লগ পাইছিল। মান তেতিয়া সাংসদ আছিল। একে সময়তে প্ৰায় ডেৰ বছৰ আগতে তেওঁ ভগৱন্ত মানৰ পৰিয়ালক লগ পাইছিল। মানৰ মাক আৰু ভনীয়েকে গুৰপ্ৰীতক বৰ ভাল পাইছিল। জানিব পৰা অনুসৰি গুৰপ্ৰীত কৌৰেও ৰাজনীতিত যোগদান কৰিবলৈ আগ্ৰহী। কিন্তু গুৰপ্ৰীতৰ পৰিয়ালে বিচাৰিছিল যে প্ৰথমে তেওঁৰ বিয়াখন হওক। এই বিবাহৰ লগে লগে গুৰপ্ৰীতৰ ৰাজনীতিৰ দুৱাৰো খোল খাব পাৰে।