ভ্ৰমণৰ নিচা! একেৰাহে ২২ বছৰ পৃথিৱী ভ্ৰমণ কৰি অভিলেখ এটা পৰিয়ালৰ

ডিজিটেল ডেস্কঃ হয়তো এইখন পৃথিৱীত ভ্ৰমণ কৰিবলৈ বেয়া পোৱা মানুহ হয়তো কোনো নোলাব, কম-বেছি পৰিমাণে সকলো লোকে ভ্ৰমণ কৰিবলৈ ভাল পায়। মানসিক চাপ হ্ৰাস কৰাৰ পৰা আমাৰ মন সতেজ কৰালৈকে, আমাৰ সকলোৰে বাবে কিছু সময়ৰ বাবে অৱসৰৰ প্ৰয়োজন। যদি আমি আপোনাক কওঁ যে, এটা পৰিয়ালে ২২ বছৰ ধৰি কেৱল ভ্ৰমণেই কৰি আছে তেনেহ’লে কথাটো শুনিবলৈ আপোনাৰ নিশ্চয় আচহুৱা যেন লাগিব। আচহুৱা লাগিলেও তেনে এটা পৰিয়ালৰ কথাকে ক’বলৈ লৈছো যিটো পৰিয়ালে ২২ বছৰ ধৰি কেৱল ভ্ৰমণেই কৰি আছে। জেপ পৰিয়ালৰ ২২ বছৰৰ বিশ্ব ভ্ৰমণৰ কাহিনীয়ে আপোনাক অনুপ্ৰাণিত কৰিব পাৰে। জেপ পৰিয়াল-হাৰমেন আৰু কেণ্ডেলাৰিয়া আৰু তেওঁলোকৰ সন্তানে ২০০০ চনৰ পৰাই সমগ্ৰ বিশ্ব ভ্ৰমণ কৰি আহিছে। ২২ বছৰত, ১০২খন দেশ ভ্ৰমণ আৰু অগণন স্মৃতি সংগ্ৰহ কৰাৰ পাছত, আৰ্জেণ্টিনাৰ পৰিয়ালটোৱে তেওঁলোকৰ জীৱনকালৰ ভ্ৰমণ সমাপ্ত কৰিবলৈ ওলাইছে। জেপ পৰিয়াল - হাৰমেন আৰু কেণ্ডেলাৰিয়া আৰু তেওঁলোকৰ সন্তানে মুঠ ৩৬২,০০০ কিলোমিটাৰ গাড়ী চলাইছে। জেপ পৰিয়ালৰ মুৰব্বী হাৰমেনে কয় যে, ‘এই মুহূৰ্তত মোৰ অনুভৱ মিশ্ৰিত। এই সময়ত আমি এটা সপোন শেষ কৰিছো বা এটা সপোন পূৰণ কৰিছো, ভ্ৰমণ আৰম্ভ হোৱাৰ সময়ত মোৰ বয়স আছিল ২৯ বছৰ আৰু এতিয়া মোৰ বয়স ৫১বছৰ।