ডিজিটেল ডেস্ক: এক অনাকাংক্ষিত ভিডিঅ’ই মানসিকভাৱে আতংকিত কৰিছে প্ৰখ্যাত বলীউড অভিনেতা নানা পাটেকাৰক৷শেহতীয়াকৈ ভাইৰেল হোৱা এটা বিশেষ ভিডিঅ’ত নানা পাটেকাৰে ছেলফী ল’বলৈ উদ্যত এজন ব্যক্তিক প্ৰচণ্ড চৰ মৰা ভিডিঅ’ ভাইৰেল হোৱাৰ পাছতে ছ’চিয়েল মিডিয়াত খলকনিৰ সৃষ্টি হয়৷ এতিয়া অনুৰাগীক চৰ মাৰি মানুহৰ বাক-আক্ৰমণৰ বলি হোৱা বলীউডৰ চলচ্চিত্ৰ অভিনেতা নানা পাটেকাৰে ভাইৰেল ভিডিঅ’টো সন্দৰ্ভত ক্ষমা বিচাৰি স্পষ্টীকৰণ দিছে। ভিডিঅ’টো মুকলি কৰাৰ সময়ত নানা পাটেকাৰে কয় যে এই দৃশ্যটো চিনেমাখনৰ অংশ আৰু ভুলবশতঃহে সংঘটিত হৈছিল।
পাটেকৰে কয় যে এইটো আমাৰ ছবিৰ অংশ। যিহেতু আমি নাজানো যে শিশুটি আমাৰ ছবিখনৰ অংশ নাছিল। আমি দৃশ্য অনুযায়ী শিশুজনক চৰ মৰাৰ দৃশ্যগ্ৰহণ কৰিলোঁ আৰু পাছত গম পালোঁ যে ল’ৰাজন আমাৰ ছবিৰ অংশ নাছিলয।যেতিয়ালৈকে সেই ল’ৰাজনক মাতিবলৈ ক্ৰুৰ লোকসকল গ’ল তেতিয়ালৈকে ল’ৰাজন পলাই গৈছিল। তদুপৰি পাটেকাৰে স্পষ্ট কৰি কয় যে আমি কাকো ছেলফী লোৱাত বাধা দিয়া নাই।
দৰাচলতে চলচ্চিত্ৰ অভিনেতা নানা পাটেকাৰে বৰ্তমান বাৰাণসীত ‘জাৰ্নী’ শীৰ্ষক ছবিখনৰ শ্বুটিং কৰি আছে। ছ’চিয়েল মিডিয়াত ভাইৰেল হৈ থকা ভিডিঅ’টোত দেখা গৈছে যে নানা পাটেকাৰে দৃশ্যগ্ৰহণৰ বাবে থিয় হৈ আছিল যেতিয়া ছবিখনৰ এটা শ্বট সাজু হৈছিল। ঠিক তেনেতে মাজতে এজন যুৱক আহি নানা পাটেকাৰৰ লগত ছেলফী তুলিবলৈ উদ্যত হয়। এই কথাত ক্ষুব্ধ হৈ নানা পাটেকাৰে দিকবিদিক হেৰুৱাই সকলোৰে সন্মুখত অনুৰাগীজনক চৰ সোধায়। ফেনজনৰ এই কাৰ্য দেখি ইউনিটৰ আন সদস্যসকলে আহি ডিঙিত ধৰি বাহিৰলৈ লৈ যায়।আৰু অতি কম সময়ৰ ভিতৰতে এই ভিডিঅ’টো ছ’চিয়েল মিডিয়াত ভাইৰেল হৈ পৰে।
Continue Reading
