ছ’চিয়েল মিডিয়াত প্ৰায়ে চৰ্চিত হয় উৰ্ফি জাভেদৰ অদ্ভূত সাজ-পোছাক। কিন্তু ফেশ্বনৰ ক্ষেত্ৰত উৰ্ফিক পাছ পেলালে হলিউডৰ এগৰাকী তাৰকাই। এই লুক দেখি হয়তো উৰ্ফীয়েও ভয় খাব। মডেলগৰাকীৰ নাম কিম কাৰ্দাছিয়ান। ছ’চিয়েল মিডিয়াত কিম অতি সক্ৰিয়। তেওঁৰ অলেখ ফেন ফ’ল’

Listen to Article

2 min read

80%

ডিজিটেল ডেস্কঃ ছ’চিয়েল মিডিয়াত প্ৰায়ে চৰ্চিত হয় উৰ্ফি জাভেদৰ অদ্ভূত সাজ-পোছাক। কিন্তু ফেশ্বনৰ ক্ষেত্ৰত উৰ্ফিক পাছ পেলালে হলিউডৰ এগৰাকী তাৰকাই। এই লুক দেখি হয়তো উৰ্ফীয়েও ভয় খাব। মডেলগৰাকীৰ নাম কিম কাৰ্দাছিয়ান। ছ’চিয়েল মিডিয়াত কিম অতি সক্ৰিয়। তেওঁৰ অলেখ ফেন ফ’ল’ৱাৰো আছে। শেহতীয়াকৈ কিম কাৰ্দাছিয়ানে নিজৰ এনে এটা ভিডিঅ’ পোষ্ট কৰিছিল, যিটো দেখি অনুৰাগীসকল আচৰিত হৈ পৰিছে।

এই ভিডিঅ’টোত কিম কাৰ্দাছিয়ানক চিনি পোৱাত অসুবিধা হৈছে কিয়নো তেওঁ ক’লা জিলিকি থকা পোছাকত চকুৰ বাহিৰে গোটেই শৰীৰটো ঢাকি ৰাখিছে। কিম কাৰ্দাছিয়ানে পোষ্ট কৰা ভিডিঅ’টোত দেখা গৈছে যে তেওঁ নিজৰ শৰীৰটো মূৰৰ পৰা ভৰিলৈকে ঢাকি ৰাখিছে। ক’লা ৰঙৰ ড্ৰেছটো তলৰ পৰা চিলাই কৰা হৈছে য'ত কিম কাৰ্দাছিয়ানক ব্লেক জলপৰীৰ লুক দিছে। অফ হোৱাইট ৰঙৰ চোফা চেটত কিম কাৰ্দাছিয়ানে কেমেৰাৰ আগত প'জ দিয়ে।' ইউ লুক ছ' ডেঞ্জাৰছ' বুলি নেটিজেনসকলে কমেণ্ট কৰিছে।"

কিম কাৰ্দাছিয়ানে নিজৰ ফেশ্বন চেন্সেৰে সকলোকে আচৰিত কৰি তোলা এইয়াই প্ৰথম নহয়। ইয়াৰ পূৰ্বেও কিম কাৰ্দাছিয়ানে এনে বহুতো ড্ৰেছ পিন্ধিছে, য’ত তেওঁৰ লুক সম্পৰ্কে যথেষ্ট চৰ্চা হৈছে। আচৰিত ফেশ্বন চেন্সৰ বাবে ৪১ বছৰীয়া কিম প্ৰায়ে ট্ৰ'লৰ সন্মুখীনো হয়। কিম কাৰ্দাছিয়ান হৈছে বেলেন্সিয়াগাৰ ব্ৰেণ্ড এম্বেছাদৰ। ইয়াৰ পূৰ্বে কিম কাৰ্দাছিয়ানে একেটা ব্ৰেণ্ডৰ ফুল বডিছুট পিন্ধিছিল, যিটো শ্বিপিং টেপেৰে ঢাকি থোৱা আছিল। কিম কাৰ্দাছিয়ানৰ নিজা ব্যক্তিগত বিমান আছে। ব্যক্তিগত জীৱনৰ কথা ক’বলৈ গ’লে আজিকালি কিম কাৰ্দাছিয়ানে পিট ডেভিডছনৰ সৈতে ডেটিং কৰি আছে।