ডিজিটেল ডেস্কঃ ক্ৰমান্বয়ে ভূটানৰ উত্তৰ-পূব দিশৰ সীমান্ত দখল কৰিছে চীনে। শেহতীয়া উপগ্ৰহৰ ছবিত এনে তথ্য পোহৰলৈ আহিছে। বায়ুল খেনপাজং অঞ্চলত চীনে নদীৰ পাৰত চহৰ নিৰ্মাণ কৰি আছে। কেৱল এই অঞ্চলতে নহয়, চীনে ভূটানৰ উত্তৰ, পশ্চিম আৰু দক্ষিণ-পশ্চিম অঞ্চল ক্ৰমান্বয়ে অবৈধভাৱে দখল কৰাৰ অভিযোগ উঠিছে।
লণ্ডন বিশ্ববিদ্যালয়ৰ তিব্বতী ইতিহাসৰ বিশেষজ্ঞ ৰবাৰ্ট বাৰ্নেটে কয় যে শেহতীয়াকৈ চীনে কিছুমান অঞ্চল নিজৰ বুলি দাবী কৰিছে। ওচৰ চুবুৰীয়া দুৰ্বল বুলি জানি তেওঁলোকে এই পদক্ষেপ লয়। সুযোগ পালে ভূটানে প্ৰতিশোধ ল’লেহেঁতেন। অৱশ্যে বেইজিঙে ভূটানৰ সৈতেও ভূমি দখলক লৈ এফালৰ পৰা সীমান্তৰ আলোচনা চলাই আছে। অৰ্থাৎ, পিছুৱাই যোৱাৰ পৰিৱৰ্তে বেইজিঙে অঞ্চলটোত নিৰ্মাণ কাৰ্য বজাই ৰখাৰ ক্ষেত্ৰত দৃঢ় স্থিতি গ্ৰহণ কৰিছে।
চীনৰ ভূমি দখলক লৈ সৃষ্টি হোৱা বিতৰ্কৰ পৰিপ্ৰেক্ষিতত ভাৰতত ভূটানৰ ৰাষ্ট্ৰদূত ভেষ্টাপ নামগ্যেলে কয় যে সীমান্তৰ বিষয়ত সংবাদ মাধ্যমৰ আগত মুখ মেলিব নোৱাৰাটো তেওঁলোকৰ নীতি। কিন্তু ভূটানে দেশৰ সীমান্তত নিৰাপত্তা বজাই ৰাখিবলৈ বদ্ধপৰিকৰ৷
উপগ্ৰহৰ চিত্ৰৰ বিশেষজ্ঞৰ মতে বৃহৎ পৰিসৰৰ বসতি স্থাপন কৰা হৈছে। ই ১০০ ঘৰতকৈও অধিক হ’ব পাৰে। জন পলক আৰু ডেমিয়েন চাইমন নামৰ দুজন বিশেষজ্ঞই কয় যে চীনা দখলৰ তথ্য অহা পাহাৰীয়া অঞ্চলত ভূটানৰ ৰাজপৰিয়ালৰ অস্তিত্ব আছিল।
Continue Reading
