ডিজিটেল ডেস্কঃ চিবিএছইৰ দ্বাদশ শ্ৰেণীৰ ফলাফল আজি ঘোষণা কৰা হৈছে। এই পৰীক্ষাত সৰ্বভাৰতীয় ভিত্তিত উত্তীৰ্ণৰ শতাংশ হাৰ হৈছে ৯২.৭১ । ফলাফল results.cbse.nic.in আৰু cbse.gov.in ৱেবছাইটত উপলব্ধ হৈছে। এই বছৰৰ চিবিএছই টাৰ্ম ১ আৰু টাৰ্ম ২ পৰীক্ষাত মুঠ প্ৰাৰ্থীৰ সংখ্যা আছিল ১৬ লাখ। টাৰ্ম 2 পৰীক্ষা অফলাইনত অনুষ্ঠিত হৈছিল। এই পৰীক্ষা ২৬ এপ্ৰিলৰ পৰা ১৫ জুনলৈ অনুষ্ঠিত হৈছিল।
পশ্চিমবংগৰ ছাউথ পইণ্ট হাইস্কুলৰ ছাত্ৰী জাহ্নৱী শ্বয়ে ৫০০ নম্বৰৰ ভিতৰত ৪৯৫ নম্বৰ লাভ কৰি বিজ্ঞান শাখাত শীৰ্ষস্থান দখল কৰিছে। উল্লেখ্য যে যোৱা মাহত বিজ্ঞান বিভাগৰ ছাত্ৰীগৰাকীয়ে WBJEEত চতুৰ্থ স্থান লাভ কৰিছিল।
চিবিএছইৰ দ্বাদশ শ্ৰেণীৰ ব’ৰ্ড পৰীক্ষাত ৯৯ শতাংশ নম্বৰ লাভ কৰে জাহ্নৱীয়ে। জাহ্নৱী শ্বক লৈ উৎফুল্লিত হৈ পৰিছে ছাউথ পইণ্ট হাইস্কুলৰ সমূহ শিক্ষাৰ্থী তথা ছাত্ৰ-ছাত্ৰীসকলক। সকলোৱে ছাত্ৰীগৰাকীক আশীৰ্বাদ আৰু শুভকামনাৰে উপচাই পেলাইছে।
এইবাৰ চিবিএছই দ্বাদশ শ্ৰেণীৰ ব’ৰ্ড পৰীক্ষাত উত্তীৰ্ণৰ হাৰ ৯২.৭১ শতাংশ। উত্তীৰ্ণ হাৰৰ ক্ষেত্ৰত ছোৱালীয়ে ল’ৰাক অতিক্ৰম কৰিছে। জানিব পৰা মতে চিবিএছই দশম শ্ৰেণীৰ ফলাফলো শুক্ৰবাৰে দুপৰীয়া ২ বজাৰ ভিতৰত প্ৰকাশ কৰা হ'ব পাৰে।
Continue Reading
