ডিজিটেল ডেস্ক: যাৰ নেতৃত্বত ভাৰতে প্ৰথমবাৰলৈ জিকিছিল বিশ্বকাপৰ খিতাপ, সেইগৰাকী কিংবদন্তি ভাৰতীয় কপিল দেৱ আজি উপস্থিত নাই আহমেদাবাদৰ নৰেন্দ্ৰ মোদী ষ্টেডিয়ামত৷
স্বচক্ষে ৰোহিতবাহিনীৰ ফাইনেল উপভোগৰ পৰা বঞ্চিত হ’ল কপিল দেৱ৷ খবৰ অনুসৰি, বিচিচিআইয়ে পূৰ্বৰ প্ৰাক্তন বিশ্বকাপ বিজয়ী অধিনায়কক সন্মান জনোৱাৰ পৰিকল্পনা কৰিছিল৷ অৱশ্যে, ভাৰতৰ প্ৰথম বিশ্বকাপ বিজয়ী অধিনায়ক কপিল দেৱ আজি খেলপথাৰত উপস্থিত নাই।
দেৱে এটা ৰাষ্ট্ৰীয় সংবাদ প্ৰতিষ্ঠানৰে হোৱা আছুতীয়া আলাপত কয় যে তেওঁক আমন্ত্ৰণ জনোৱা হোৱা নাছিল।
কপিল দেৱে কয়, মোক নিমন্ত্ৰণ কৰা হোৱা নাছিল। তেওঁলোকে মোক ফোনো কৰা নাছিল৷ গতিকে মই যোৱা নাছিলো। মই বিচাৰিছিলোঁ যে ১৯৮৩ৰ গোটেই দলটো মোৰ সৈতে থাকক৷ কিন্তু মই অনুমান কৰোঁ যে এইটো ইমান ডাঙৰ অনুষ্ঠান আৰু দায়িত্ববোৰ চম্ভালিবলৈ সকলো ইমান ব্যস্ত, গতিকে কেতিয়াবা তেওঁলোকে পাহৰি যায়৷
ভাৰতে প্ৰথমে দেৱৰ নেতৃত্বত বিশ্বকাপৰ আকাংক্ষিত ট্ৰফী আঁজুৰি আনিছিল, যেতিয়া এই খেল ৬০ অভাৰৰ চাইড ফৰ্মেট আছিল। দেৱৰ নেতৃত্বত ভাৰতীয় দলটোৱে তেতিয়া ৱেষ্ট ইণ্ডিজক কম স্কোৰিঙৰ মুখামুখি খেলত পৰাজিত কৰিছিল।
Continue Reading
