ডিজিটেল ডেস্কঃ ক্ৰিকেটৰ ভগৱান স্বৰূপ শচীন তেণ্ডুলকাৰে পূৰ্বে গঢ়ি থোৱা ১০টাকৈ অভিলেখ এইবেলিৰ বিশ্বকাপত ভংগ হ’ল। বহুতে সেয়ে আলোচনা কৰিছে যে এইবেলিৰ বিশ্বকাপ যেন শচীন তেণ্ডুলকাৰৰ অভিলেখ ভংগ কৰাৰ বিশ্বকাপহে! ফাইনেলৰ পূৰ্বেই শচীনৰ ১০ টাকৈ পূৰ্বৰ অভিলেখ ভংগ হৈছে। শচীনৰ অভিলেখ ভংগ কৰাসকলৰ তালিকাখনত বিৰাট কোহলী, ৰোহিত শৰ্মা, ডেভিদ ৱাৰ্ণাৰৰ দৰে তাৰকা খেলুৱৈসকল অন্তৰ্ভুক্ত আছে। এই বিশ্বকাপত এতিয়ালৈকে শচীনৰ কি কি অভিলেখ ভংগ হৈছে জানো আহক-
এদিনীয়া ক্ৰিকেটত সৰ্বাধিক শতকঃ বিৰাট কোহলীয়ে নিউজিলেণ্ডৰ বিৰুদ্ধে প্ৰথমখন ছেমি ফাইনেলত শতক অৰ্জন কৰি এদিনীয়া ক্ৰিকেটত ৫০সংখ্যক শতক অৰ্জন কৰে। তেওঁ এনেদৰে শচীন তেণ্ডুলকাৰৰ অভিলেখ ভংগ কৰে (৪৯)। বিৰাটে প্ৰায় ১৫০ টা ইনিংছ খেলি শচীনক অতিক্ৰম কৰে।
বিশ্বকাপৰ ইতিহাসত শতকঃ ৰোহিত শৰ্মাই আফগানিস্তানৰ বিৰুদ্ধে শতক অৰ্জন কৰি শচীন তেণ্ডুলকাৰৰ অভিলেখ ভংগ কৰে। বিশ্বকাপত শচীনৰ শতকৰ সংখ্যা ছয়। ৰোহিতৰ বৰ্তমান বিশ্বকাপত সাতটা শতক আছে।
বিশ্বকাপত সৰ্বাধিক স্ক'ৰ: বিৰাট কোহলীয়ে শচীনৰ অভিলেখ ভংগ কৰিছে। ২০১৩ চনৰ বিশ্বকাপত শচীনে ১১ খন মেচত ৬৭৩ ৰাণ সংগ্ৰহ কৰিছিল। বিৰাটে ইতিমধ্যে বিশ্বকাপৰ ফাইনেল বাদ দি ১০ খন খেলত ৭১১ ৰাণ সংগ্ৰহ কৰিছে।
আন্তঃৰাষ্ট্ৰীয় ক্ৰিকেটত দ্ৰুততম ২৬,০০০ ৰাণঃ বিৰাটে বাংলাদেশৰ বিৰুদ্ধে শচীনক অতিক্ৰম কৰে। বিৰাটে ১৯ অক্টোবৰত বাংলাদেশৰ বিৰুদ্ধে শতক অৰ্জন কৰিছিল। তেওঁ ৫৬৭ টা ইনিংছত আন্তঃৰাষ্ট্ৰীয় ক্ৰিকেটত ২৬,০০০ ৰাণ সম্পূৰ্ণ কৰিছিল। আনহাতে শচীনে ৬০০ ইনিংছত আন্তঃৰাষ্ট্ৰীয় ক্ৰিকেটত ২৬,০০০ ৰাণৰ সীমা অতিক্ৰম কৰিছিল।
বিশ্বকাপত দ্ৰুততম ১,০০০ ৰাণঃ বিশ্বকাপৰ ইতিহাসত দ্ৰুততম ১,০০০ ৰাণৰ ক্ষেত্ৰত ৰোহিত আৰু ডেভিদ ৱাৰ্ণাৰে শচীনক অতিক্ৰম কৰিছে। শচীনে ২০ টা ইনিংছত ১,০০০ ৰাণৰ সীমা অতিক্ৰম কৰিছিল। ৰোহিত আৰু ৱাৰ্ণাৰে ১৯ টা ইনিংছ সেয়া কৰিবলৈ সক্ষম হৈছে। কেৱল এই কেইটাই নহয়, শচীনৰ আৰু আন কেইবাটাও অভিলেখ ভংগ হৈছে এইবাৰৰ বিশ্বকাপত।
Continue Reading
