যিকোনো মুহূৰ্তত সলনি হ’ব প্ৰেক্ষাপট; গুজৰাটত বিজেপিৰ সৈতে গোপন বৈঠক একনাথৰ

ডিজিটেল ডেস্ক: মহাৰাষ্ট্ৰৰ ৰাজনৈতিক সংকট অব্যাহত থকাৰ মাজতে বিসম্বাদী শিবিৰৰ একনাথ সিন্দেয়ে কালি নিশা গুজৰাটত বিজেপি নেতা দেৱেন্দ্ৰ ফড়নবিশক সাক্ষাৎ কৰে৷ গুৱাহাটীৰ হোটেলৰ পৰা গৈ গোপন বৈঠকত মিলিত হয় একনাথ সিন্ধে৷

গুজৰাটৰ বদোদৰাত মহাৰাষ্ট্ৰত সম্ভাৱ্য চৰকাৰ গঠনৰ বাবে দুয়োগৰাকী নেতা আলোচনাত মিলিত হয় বুলি জানিব পৰা গৈছে৷ গৃহমন্ত্ৰী অমিত শ্বাহ বদোদৰাত থাকোঁতেই নেতা দুগৰাকী বৈঠকত মিলিত হোৱা বিষয়টো বিশেষ তাৎপৰ্য বহন কৰিছে৷

দেৱেন্দ্ৰ ফড়নবিশৰ সৈতে আলোচনাৰ অন্তত সিন্দেই পুনৰ  অসমলৈ উভতি আহে৷ তাৰ মাজতে সিন্দেকে ধৰি ১৬গৰাকী বিধায়ক মহাৰাষ্ট্ৰ বিধানসভাৰ উপাধ্যক্ষৰ পৰা অযোগ্যতাৰ জাননীৰ সন্মুখীন হ’বলগীয়া হৈছে৷ উদ্ধৱ থাকৰেক প্ৰেক্ষাপটৰ পৰা বাহিৰ কৰিবলৈ সিন্দে আৰু বিসম্বাদীসকলে তেওঁলোকৰ পূৰ্বৰ অংশীদাৰ বিজেপিৰ সৈতে পুনৰ মিত্ৰতা কৰিব চৰকাৰ গঠন কৰিবলৈ প্ৰস্তুত হোৱা বুলি জানিব পৰা গৈছে৷