ডিজিটেল ডেস্কঃ শেষ হোৱাৰ নাম লোৱা নাই ৰাছিয়া-ইউক্ৰেইনৰ যুদ্ধই। এই যুদ্ধ অব্যাহত ৰখাত শক্তি যোগাবলৈ জাৰ্মানীয়ে ইউক্ৰেইনলৈ আ্গবঢ়াইছে সহায়ৰ হাত। জাৰ্মানীয়ে ৰাছিয়াৰ আক্ৰমণ প্ৰতিৰোধ কৰিবলৈ ইউক্ৰেইনক যুদ্ধ টেংক প্ৰদান কৰাৰ প্ৰতিশ্ৰুতি দিছিল। সেই প্ৰতিশ্ৰুতি অনুসৰি জাৰ্মানীয়ে ইউক্ৰেইনলৈ ১৮ খন যুদ্ধ টেংক প্ৰেৰণ কৰিছে। জাৰ্মানীয়ে ইউক্ৰেইনক দিলে ১৮ খন লেপাৰ্ড-২ যুদ্ধ টেংক
লেপাৰ্ড-২ টেংক বিশ্বৰ এক আগশাৰীৰ যুদ্ধ টেংক। জাৰ্মানীৰ সেনা আৰু বহুতো ইউৰোপীয় দেশৰ সশস্ত্ৰ বাহিনীয়ে এই টেংক ব্যৱহাৰ কৰে। এই টেংক ব্যৱহাৰ কৰা ইউৰোপীৰ বাহিৰৰ দেশবোৰৰ ভিতৰত আছে কানাডা আৰু ইণ্ডোনেছিয়া।
লেপাৰ্ড-২ টেংকৰ বহুতো বৈশিষ্ট্য আছে। ইয়াৰ ডিজাইনবোৰো বেলেগ। এই টেংকখনত নাইট ভিজন সঁজুলি আৰু লেজাৰ ৰেঞ্জ ফাইণ্ডাৰ আছে, যাৰ সহায়ত লক্ষ্যৰ দূৰত্ব জোখা যায়। লেজাৰ ৰেঞ্জ ফাইণ্ডাৰে খহটা ভূখণ্ড বা খহটা মাটিৰ ওপৰেৰে পাৰ হৈ যোৱাৰ সময়ত চলমান লক্ষ্য ভালদৰে নিৰীক্ষণ কৰাত সহায় কৰে। শত্ৰুক পৰাভূত কৰাত সিদ্ধহস্ত এই যুদ্ধ টেংক।
উল্লেখ্য যে আফগানিস্তান, কছোভো আৰু চিৰিয়াৰ সংঘৰ্ষতো এই ডিজেল ইঞ্জিনযুক্ত যুদ্ধ টেংকৰ ব্যৱহাৰ কৰা হৈছিল।
Continue Reading
